Menin Letok eo an Jar

Jān Būreejtōn Susan H. Porter

Būreejtōn eo Eutiej an Būraimere

Ukukōt jān “Jar, E Ej Pād Ijo,” Liaona, Māe 2024, 77–79.

Jemādwōj Ilan̄ ekar lewaj n̄an kom̧ juon menin letok elukkuun aorōk. Ej mennin letok eo an jar. Jar emaron̄ jipan̄ kōj jabdewōt iien, jabdewōt jikin.

Ikōņaan kwaļo̧k jilu menin letok ko me kom̧ maron̄ jar kaki.

1. Jar n̄an jeļā.

Eļan̄n̄e jejjab maron̄ lo Jemādwōj Ilan̄ n̄e jej ba jar ko ad, ekōjkan ad maron̄ jeļā bwe E ej ron̄jake?

Būreejtōn Nelson ekar karuwaineneik eok n̄an “Lutōk aolepen būruōm̧ n̄an Jemedwōj Ilan̄. … Innām ron̄jake!”* Kwomaron̄ jeļā bwe Jemādwōj Ilan̄ ej ron̄ jar ko ami n̄e kom̧wij ron̄jake ta eo kom̧wij en̄jake ilo būruōmi im ļōmņak ko me rej iwōj n̄an ļōmņak eo ami.

2. Jar n̄an eddōkļo̧k.

Ekōjkan ami kōņaan eddōkļo̧k? Kom̧wij ke kōņaan katak juon kapeel ekāāl ak kōm̧m̧an m̧ōtta kāāl? Kom̧ maron̄ jar n̄an eddōkļo̧k n̄an eromļo̧k āinwōt Jisōs Kraist!!

Eo m̧ōtta ekāāl Jona ekar jiron̄ eō kōn ekōjkan an emakijkij an kar en̄jake inepata ilo jikuuļ. Bōtaab ke ekar jino jar m̧okta jān jikuuļ, ekar en̄jake aenōm̧m̧an. Jona ej jar n̄an eddōkļo̧k aolep raan, im kom̧wij barāinwōt maron̄!

3. Jar n̄an kwaļo̧k.

Āinwōt juon leddik edik ikar jar kōn baam̧le eo aō. Ikar kōņaan jeļā ekōjkan aō maron̄ jipan̄ er. Jemādwōj Ilan̄ ekar jipan̄ eō jeļā bwe imaron̄ erom juon waanjon̄ak an gospel eo an Jisōs Kraist. Ej en̄in ta eo imaron̄ kōm̧m̧ane!

Eļan̄n̄e kom̧wij jar kōn baam̧le eo ami ak ro jet me kom̧wij iakwe, jab ebbweer! Jemedwōj Ilan̄ enaaj kwaļo̧k n̄an kom̧ ta eo kom̧ maron̄ kōm̧m̧ane. N̄e kom̧wij m̧ool kajjitōk kōn jipan̄ eo An, Jetōb eo An enaaj tōl kom̧.

Jar ko Aō

Ļōmņak kōn kajjitōk kein kajjojo iien kom̧wij jar. Innām kōļare lowaan juon wut. Lale eļan̄n̄e kom̧ maron̄ kōļare aolepān peij eo!

Ta eo ikōnaan jeļā?
Ekōjkan aō kōņaan eddōkļo̧k?
Ekōjkan aō maron̄ kwaļo̧k iakwe eo an Jemādwōj Ilan̄ n̄an ro jet?