“Itok, Ļoor Eō M̧akūtkūt ko,” Jera, Jānwōde 2025, 22–23.
Itok, Ļoor Eō M̧akūtkūt ko
Tijem̧ba 30–Jānwōde 5: “Jepļaaktok eo an Tarlep in Gospel in an Jisōs Kraist”
Bajōļ an Jepļaaktok eo
N̄an kōjepļaakļo̧k juon men ej meļeļe in bar kōkobaik ippān doon. Riiti “Jepļaaktok eo an Tarlep in Gospel eo an Jisōs Kraist: Juon Naan in Kean̄ n̄an Laļ in Kōn Rūbukwi Iiō in Jepļaaktok eo” ilo Gospel Library n̄an katak eļapļo̧k kōn ekōjkan an Kabun̄ in kar jepļaaktok. Innām ikkure juon ikkure in jepļaaktok eo! Pukōt ak jin̄aik juon pija im m̧wijitiļo̧k n̄an m̧ōttan bajōļ ko. Jāniji bajōļ ko ippān juon uwaan baam̧le eo im kōjepļaakļo̧k kajjojo pija ko. Etke ekar aorōk bwe Josep Smith en kar kōjepļaaktok gospel eo an Jisōs Kraist?
Jānwōde 6–12: Katak im Bujen Ko 1
Ikkure Kā (Freeze)
Jemādwōj Ilan̄ ej kōnono n̄an kōj kōn rikanaan ro An ( lale Katak im Bujen Ko 1:38). Jej aikuj ron̄jake! Kaminene ron̄jake kōn ikkure juon ikkure. Juon armej en kōjo̧ al ko, im aolep ren eeb ilo an kōjan̄jan̄ eo jan̄. N̄e kōjan̄jan̄ eo ej bōjrak, aolep ren kā. Jabdewōt eo ej kā āliktata ej kwaļo̧k juon un rej iakwe rikanaan ro. Ikkure m̧ae iien aolep rej bōk kuņaer n̄an kwaļo̧k!
Jānwōde 13–19: Josep Smith—Bwebwenato 1:1–26
M̧ōņōkān an Visōn Eo M̧oktata
Jemādwōj Ilan̄ im Jisōs Kraist raar waļokļo̧k n̄an Josep Smith (lale Josep Smith—Bwebwenato 1:15–20). Jej ņa etan iien in Visōn Eo M̧oktata Elōkļo̧k n̄an peij 3 n̄an kōm̧m̧ane m̧ōņōkjān eo am̧ make an Visōn Eo M̧oktata, innām kōjerbale n̄an bar jiron̄ juon bwebwenato eo.
Jānwōde 20–26: Katak im Bujen Ko 2; Josep Smith—Bwebwenato 1:27–65
Kalimomo an Menmenbwij an Baam̧le
N̄e jej katak eļapļo̧k kōn rūtto ro ad, jej en̄jake ad epaakeļo̧k er im n̄an Jemādwōj Ilan̄ (lale Katak im Bujen Ko 2). Kajjitōk ippān juon uwaan baam̧le eo n̄an jiron̄ eok juon bwebwenato jān mour eo aer ak jān mour eo an juon iaan rūtto ro ami. Innām bar ejake bwebwenato eo āinwōt juon ikkure ak jin̄a!
Pija ko jān Christina Smith