Etal n̄an M̧ōn Jar eo ippān Ghuka

Jān Kelvin Njenga Mungai

Kelvin ejjan̄in kar lo juon m̧ōn jar āinwōt in m̧okta.

Juon bwebwenato em̧ool jān Kenya.

Kelvin ekar kōkkōm̧anm̧ōn likūt bato in mlik ko rōrabōlbōl ioon doon ilo ioon dā eo. Ej kab em̧m̧akūtļo̧k n̄an mour ippān ro jibūn im jim̧m̧an ilo juon bukwōn itulikin jikin kweilo̧k eo. Ekar wōr juon aer im̧ōn wia kake milk, im Kelvin ekar kōņaan jipan̄.

“Jotein jenaaj etal n̄an m̧ōn jar eo n̄an juon m̧akūtkūt,” Ghuka (Jim̧m̧an) ekar ba. “Kwoj kōņaan itok ippām? Enaaj limo.”

Kelvin ekar kōņaan limo. “Aaet!” ekar ba. “Inaaj iwōj ippam̧”

Ālkin aer kar kiil m̧ōņ wia kake milk eo, Kelvin im ro jibūn im jim̧m̧an raar etetalļo̧k n̄an m̧akūtkūt eo. Raar eļļāļo̧k jān m̧ōn wia ko jet rej wia kake kap ko, leen wōjke ko, im nien mennin eddōk ko. Ālkin jidik iien, raar tōparļo̧k m̧ōn jar eo.

Ļaddik eo im jim̧m̧an inam̧ōj in m̧ōn jar eo.

Kelvin ekar jutak kabūrōrō ke ekar kalimjōk m̧weo aiboojoj. Ejjan̄in kar lo juon m̧ōn jar āinwōt in m̧okta. Elōn̄ wōt m̧ōn jar ko ewōr juon debwāāl itulōn̄ in, bōtaab in ejjeļo̧k juon.

Ilowaan, ro jibūn im jim̧m̧an Kelvin raar kwaļo̧k kadkad in n̄an elōn̄ armej ro rem̧m̧an. Raar m̧ōn̄ā kōkan ko rekaijoljol im kar ikkure ikkure ko.

Bōtaab Kelvin ekar ļo̧kjen an. Kōn menin ekar ito itak ilo hall ko an m̧ōn jar eo. Ekar lo pija ko an Jisōs Kraist. Innām ekar etetalļo̧k n̄an lo juon kūlaajruum̧ im kar kile jet pija ko ilo wall eo.

Wōn armej rein? Kelvin ekar ļōmņak.

Ālkin an ilo̧k jān ruum̧ eo, ekar lo ruo likao ro ilo hall eo. Raar ekkōņak jōōt ko remouj im tie ko. “Iakwe,” juon iaer ekar ba. “Kōmij mijenede ro. Etam̧?”

Kelvin ekar kwaļo̧k kadkadin make. Innām ekar kajjitōk, “Wōn em̧m̧aan in ilo pija jab ieņ?” Ekar jitōn̄ļo̧k juon iaan pija ko ilo ruum̧ eo.

“Ej rikanaan eo,” mijenede eo juon ekar ba. “Kwojeļā ke ta in rikanaan?”

Kelvin ekar ettōn̄ im kōjōboulul bōran jaab.

“Juon rikanaan ej juon ribbōk naan jān Anij,” mijenede eo ekar ba. “Ej katakin kōj ta eo Anij ej kōņaan bwe jen jeļā.”

Ke Kelvin ekar etetalļo̧k n̄an kapijuknen eo ippān ro jibūn im jim̧m̧an bon̄ōn jab eo, ekar jibwe juon kape in Bok in Mormon me mijenede ro raar leļo̧k n̄an e. Ekar lo̧udin̄din̄ n̄an katak eļapļo̧k kōn rikanaan ro im kabun̄ in ekāāl.

“Kwonaaj ke riit tok n̄an kōm?” Ghuka ekar kajjitōk ke raar tōparļo̧k kapijuknen. Ro jibū im jim̧m̧an Kelvin raar jab jeļā riit.

Ļaddik eo ej riiti Bok in Mormon n̄an ro jibūn im jim̧m̧an.

“Aaet!” Kelvin ekar ba. Ekar kōppeļļo̧k Bok in Mormon eo im kōļap ainikien an riit. Ekar jab meļeļe aolep naan ko, bōtaab ekar en̄jake juon men ainjuon.

Ilo Jabōt eo, Kelvin ekar etetalļo̧k ippān ro jibūn im jim̧m̧an n̄an m̧ōn jar eo. Ekar etal n̄an juon kūlaaj n̄an aolep ajri ro. Kar ņa etan Būraimere. Ekar m̧ōttāik elōn̄ ro m̧ōttan! Ekar katak eļapļo̧k kōn rikanaan ro im Jisōs.

Mijenede ro raar etal n̄an katakin Kelvin eļapļo̧k. Juon raan raar kajjitōk ippān juon kajjitōk. “Kwonaaj ke ļoor waanjon̄ak eo an Rilo̧mo̧o̧r eo im peptaij?”

Kelvin ekar ļap an ettōn̄ dikdik. “Aaet!”

Ilo raan in peptaij eo an, Kelvin ekar to laļļo̧k n̄an dān eo. Ekar em̧ōļoļo. Bōtaab Kelvin ekar reito reitak ipeļaakin, ekar lo ro jibūn im jim̧m̧an, mijenede ro, im aolep ro m̧ōttan rekāāl jān m̧ōn jar eo. Ekar en̄jake eļap iakwe!

Kōn kāālet n̄an ļoor Jisōs Kraist, Kelvin ekar juon Paineer ilo baam̧le eo an. Ekar jab maron̄ kōttar n̄an ļoor E—im n̄an jipan̄ ro jet ļoor E barāinwōt!