Visōn Eo M̧oktata

Kwomaron̄ riiti bwebwenato in ilo Josep Smith—Bwebwenato 1:1–20.

Josep Smith ej alooje juon em̧m̧aan ej kwaļo̧k naan n̄an juon kumi

Ke Josep Smith ekar ļaddik, elōn̄ kabun̄ ko raar katakin men ko rooktak kōn Jisōs Kraist. Josep ekar jab jeļā ewi wōt kabun̄ eo n̄an kobaļo̧k.

Juon raan, raan ekar riiti Jemes 1:5 ilo Baibōļ eo. Ekar ba eļan̄n̄e jej aikuj māletlet, jemaron̄ kajjitōk ippān Anij. Josep ekar jokāālet n̄an kōm̧m̧ane ejja men in wōt.

Josep Smith ej etetalļo̧k n̄an bulōn wōjke ko

Ilo juon raan aiboojoj in spring, Josep ekar etal n̄an bulōn wōjke ko n̄an jar n̄an Jemādwōj Ilan̄.

Josep ekar bukwelōlō im kar jino jar. Bōtaab innām ekar en̄jake marokleplep aolepān peļakin. Josep ekar mijak. Ekar kajjitōk ippān Anij n̄an jipan̄.

Jemādwōj Ilan̄ im Jisōs Kraist rej waļokļo̧k n̄an Josep Smith

Ejjab too, Josep ekar lo juon meram emeram ej wanlaļtak jān lan̄. Ekar lo Jemādwōj Ilan̄ im Jisōs Kraist jutak ilo mejatoto. Jemādwōj Ilan̄ ekar ba etan Josep. Innām E ekar jitōn̄ļo̧k Jisōs Kraist im ba, “En̄in Nejū Jitōnbōro. Ron̄jake E!”

Jisōs ekar jiron̄ Josep bwe en jab kobaļo̧k ilo jabdewōt kabun̄ ko.

Josep Smith ej bukwelōlō im reilōn̄ļo̧k.

Josep ekar jipan̄ kōjepļaaktok tarlep in gospel eo ioon laļ in.

Josep Smith ej ettōn̄ im ilo̧k jān wōjke ko

Josep ekar jab bar tarpok. Ekar obrak kōn lan̄lōn̄! Ekar jeļā bwe Anij ekar iakwe e. Jet armej ro raar jab tōmak bwe ekar lo Jemedwōj Ilan̄ im Jisōs Kraist, bōtaab ekar jeļā ekar m̧ool.