Jepļaaktok Eo Ej Ijjino

Palmyra, New York (1820): Josep Smith m baam̧le eo an raar jokwe ie. Ro uwaan baam̧le eo an Josep raar aolep etal n̄an kabun̄ ko rooktak jān doon, im Josep ekar jab jeļā ewi wōt kabun̄ eo en kobaļo̧k ie. Ekar riit ilo Baibōļ: “A eļan̄n̄e jabdewōt iaami ej aikuj mālōtlōt, en kajjitōk kōn e ippān Anij” (Jemes 1:5)

Bukun Wōjke Eo Ekwojarjar (spring in 1820): Josep Smith ekar jar im kajjitōk ippān Anij ewi wōt kabun̄ eo en kobaļo̧k ie. Jemādwōj Ilan̄ im Jisōs Kraist raar loļo̧k e. Er raar jiron̄ e en aikuj jab koba ilo jabdewōt iaan kabun̄ ko. Er raar kūr Josep n̄an jipan̄ kōjepļaaktok tarlep in gospel eo an Jisōs Kraist ioon laļ in.

Ruum̧ in kiki eo an Josep (1823): Enjeļ Moronai ekar loļo̧k Josep Smith Ekar jiron̄ Josep kōn piliej gold ko me ekar pād ie tarlep in gospel eo an Jisōs Kraist ie. Ke Moronai ekar kōnono, Josep ekar lo juon visōn kōn ia eo kar kallbwin piliej ko ie.

Hill Cumorah (1827): Enjeļ Moronai ekar lelo̧k n̄an Josep Smith piliej gold ko ilo Hill Cumorah. Josep ekar barāinwōt bōk kein jerbal ko raorōk me rekar kallib ippān piliej ko. Anij ekar kōpooji n̄an jipan̄ e ukōt piliej ko. Ukok eo an piliej ko raar erom Bok in Mormon bwe aolep ajri ro nejin Anij ren maron̄ riiti naan ko An.