“Mājin Pilo Ko Rejako,” Jera, Jānwōde 2025, 44–45.
Mājin Pilo Ko Rejako
Juon bwebwenato em̧ool jān Bolivia.
Ekar raan in jikuuļ eo kein kajuon. Andrés ekar kanooj m̧ōņōņō! Ekar pād ilo kūļaaj juon kiiō. Ekar juon ajri epōn̄pōn̄!
Bōtaab ke ļaddik eo ej tōparļo̧k jikuuļ, ekar kanooj kilep im kamijak, jekdo̧o̧ņ n̄an juon ajri epōn̄pōn̄. Ekar kanooj dāpiij pein Jinen.
“Enaaj Em̧m̧an.” Jinen ekar ettōn̄ dikdik. “Ba iakwe n̄an rūkaki eo am̧. Em̧m̧an n̄an rijikuuļ ro m̧ōttam̧. Im jab meļo̧kļo̧k in kōjparok mājin pilo eo am̧.”
Juon wiik tokālik, Andrés ekar bōk pea in mājin pilo ko an m̧oktata. Ro jinen im jemān raar aolep iien kakeememej e n̄an kōjparoki.
M̧am̧a ekar jeaļ in bar lo eok. “Jeram̧m̧an ilo rainin!”
Bōtaab Andrés ekar jab wōr juon raan em̧m̧an ippān. Juon men enanan ekar waļo̧k!
Ekar ettōrļo̧k n̄an ippān Jinen ālkin jikuuļ. “Ejako mājin pilo eo aō!” ekar jan̄. “Ikar lale aolep jikin, ak ikar jab maron̄ loi!”
“Eokwe mejen!” Jinen ekar inepata. “Jen kajjitōk ippān Jemādwōj Ilan̄ kōn jipan̄.”
“Kwoj ļōmņak enaaj jerbal?” ekar kajjitōk.
“Jen kajjieon̄ im lale. Jemādwōj Ilan̄ ej aolep iien ron̄jake jar ko ad,” Jinen ekar ba.
Andrés im Jinen rej ba juon jar. Raar kajjitōk ippān Jemādwōj Ilan̄ n̄an jipan̄ Andrés lo mājin pilo ko an.
Raan eo tok juon ilo jikuuļ, Andrés ekar nana wōt an mour. Innām juon ļaddik ej etalļo̧k n̄an ippān.
“Ij ļōmņak rej am̧.” Ļaddik eo ekar kwaļo̧kļo̧k juon pea in mājin pilo ko. “Ikar loi ilo turin jikin ikkure football eo.”
Andrés ekar būki mājin pilo eo. Rekar an! Ekar jab maron̄ tōmak.
Ālkin jikuuļ, ekar ettōrļo̧k n̄an Jinen im leļo̧k juon lukkun atbakwōj e.
“Kwar lo mājin pilo eo am̧!” liin ekar ba. “Jon̄an in kwolukkuun in m̧ōņōņō bwe koloi.”
“In̄n̄a!” Andrés ekar ba. “Bōtaab eļapļo̧k aō m̧ōņōņō kōnke kōn ta eo ikar katak.”
“Im ta eo?”
Andrés ekar ettōn̄ dikdik. “Jar ej jerbal!”
Kōmeļeļe ko jān Susanna Teodoro