“Aikuji Aolep ilo Ānbwinnin Kraist,” Liaona, Jān. 2025.
Kōrā in Bujen ro
Aikuji Aolep ilo Ānbwinnin Kraist
Jemaron̄ jipan̄ kalōk juon jemdoon in sister/kōrā ro, eo im ājmourļo̧k, kijn̄en̄eļo̧k, im eļapļo̧k ekkeijel eo ie kōnke kōn bujen jemjerā eo ad ippān Anij.
Aoleped wōj jekōņaan en̄jake bwe en wōr jikūd im bwe jen uwaan im jej ro aikuji ilo Kabun̄ eo an Jisōs Kraist im kar kōjepļaaktok. Jemaron̄ jipan̄ kajjojo ro jeid im jatid, jekdoon iiō ta ak jekjek rōt, en̄jake bwe er ewōr juon jikier im rej m̧ōttad im aikuji er barāinwōt. Jej aolep ajri ro nejin jined im jemed ilan̄ im aaet jemjān jemjati ro ilo jetōb. Ekkeijel kein n̄an doon relukkuun in aorōk.
N̄e jej deļo̧n̄e juon bujen jemjerā ippān Anij, ejjab kam̧wilaļļo̧k wōt im kōmeoeo jemjerā eo ad Ippān ak ej bar jelet jemjerā eo ad ippān ajiri ro jet Nejin—ro jeid im jatūd ilo jetōb. Ekkeijel/Mour ilo bujen ko jaar kōm̧m̧ani ippān Anij, jino ilo peptaij, ej ad eddo n̄an iakwe im kea kōn doon.
Jorrāān eo an Ajimakeke
Rim̧wijm̧wij eo eļap an U.S, chieft health educator eo n̄an United States, ekar kwaļo̧k juon ennaan kōn aorōk eo an jemjerā: “Ļap in jon̄an ad ajimakeke im makeļo̧k iaar ej juon jorrāān eo an ājmour im edik ļōm̧ņak kake im em̧ōj an kakure armij im ājmour eo an jukjuk in pād. Jemjerā eo ad ej juon unin kōmour im em̧m̧anļo̧k eo ej kūtileek ilo ijoko epidodo loe. … Kōn ļap in jorrāān eo ej waļok jān ajimakeke im makeļo̧k iaad, jej aikuj kaurōk ad kalōk ekkeijel in iaio eo ad ilo ejja wāween eo jej kaorōk jōrrāān in ājmour ko jet ilo jukjukin pād. … Ippān doon, jemaron̄ kalōk juon [jukjuk in pād] eo ājmourļo̧k, ekijn̄en̄eļo̧k, edikļo̧k an ajimakeke, im ļapļo̧k ekkeijel ie.”
Ippān doon jej maron̄ jipan̄ kalōk juon jemdoon an kōrā ro ilo aolep iiō ko im ej ājmoururļo̧k, kijn̄en̄e ļo̧k, im eļapļo̧k ekkeijel eo ie kōnke kōn bujen jemjerā eo ad ippān Anij im eddo eo aer n̄an doon āinwōt rikaļo̧o̧r ro an Jisōs Kraist.
Āinwōt an Rilo̧mo̧o̧r eokar ba, “Ilo men in armej otemjej renaaj jeļā bwe kom̧ij rūkaļora, eļan̄n̄e kom̧ij iakwe doon” (Jon 13:35).
Ekkeijel ko Ippān Doon
Jemaron̄ jipan̄ karum̧wijļo̧k ajeeded in ajimakeke eo ilo ad ejaki jikin ko rōkaruwainene im jokane ilo jarlepju/douluul in jar ko ad im eļap tata ilowaan Doulul ko an Kōrā ro,, ijo aolep remaron̄ en̄jake iakwe eo an Irooj kōnke er rej jepooļ kōn ad iakwe.
En̄jake ko ad ilo m̧ōn jar ej n̄an letok ekkeijel kein raorōk ippān Irooj im ippān doon im remennin aikuj n̄an ājmour eo ad ilo kanniōk, en̄jake, im ilo jetōb. Ewōr kajoor ilo bōro kuk im aiboojoj ilo ippen doon an ro rej oktak jān doon; aolep rej aikuji ilo ānbwinnin Kraist (lale 1 Korint 12:12–27). Āinwōt an wōjke redwood ko rekillep koneeke okar ko aer im maron̄ jutak pen jān ļan̄ ko an mejatoto kōnke rej jutak ippān doon, jej aikuj kobaik peid, jutak ippān doon, im kōkajoor doon ilo ļan̄ ko an mour in.
N̄e jej m̧ool ilo ad jeļāļo̧k kajeen ro jej en̄jake ke rej oktak jān kōj, jenaaj kile ke eļapļo̧k ad āinwōt juon jān ad kōlmenļo̧kjen kake. Kajjojo armej ewōr ijoko koņaer raorōk, elōn̄ men ko rekkar iooni im raiboojoj im oktak jān doon im remaron̄ kōjeraam̧m̧an mour ko ad. Ron̄jake bwebwenato ko an ro jet im kappukōt n̄an meļeļe kake er enaaj ukōt būruōd, im ļōm̧ņak im ekkōl ko jej en̄jake ņae er jet remaron̄ bōk jikin kōn en̄jake in kam̧m̧oolol bwe repād ilo mour ko ad.
Irooj emaron̄ jipan̄ kōj kalimjōk ro jet āinwōt An kalimjōk er, im E emaron̄ kobrak būruōd kōn iakwe, kōm̧m̧an bwe jen kotak, kaenōm̧m̧an, ettōn̄ ippaer, jan̄ ippaer, im kaddōk ekkeijel eo ippān ro ipeļaakid. E enaaj jipan̄ kōj jeļā ta eo emennin aikuj im ekōjkan ad juon kōjeraam̧m̧an n̄an ro jet ilo iaaļ ko aer.
Aaet, ewōr wōt Juon Eo emaron̄ meļeļe ilo likio im meanwōd. Āinwōt m̧ōttan en̄taan in pinmuur eo An, E ekar ioon “en̄taan kōn metak ko im jorāān ko im kapo ko otemjeļo̧k … [bōk] Ioon metak ko im nan̄inmej ko an armej ro An.” (Alma 7:11) bwe jen jeļā ke jejamin makeļo̧k iaad.
Kajjojo iaad kar kūr kōj n̄an iakwe im jerbal in karejar n̄an ajiri ro nejin Jemedwōj Ilan̄ āinwōt an Rilo̧mo̧o̧r eo naaj kar. Jej jerbal Ippān ilo kōjeraam̧m̧an ro jet bwe er im kōj jen jimor ļapļo̧k ad en̄jake iakwe eo an Rilo̧mo̧o̧r eo. Jen kobaik pā ko peid im m̧ōņōņō ilo ad kerwaan doon n̄an m̧weo im̧ōd. N̄aij kam̧ool bwe menin ej jerbal eo ekwojarjar kar kūr kōj aolep n̄an kōm̧m̧ane.