Kajjitōk kajjitōk ko, Lo Uwaak ko: Jon̄ak eo Josep Smith ekar Kōm̧m̧ane

Josep ekar kappukot jeorļo̧k bōd n̄an jerawiwi ko an im uaak n̄an kajjitōk ko an. Ekar kōņaan jeļā kabun̄ ta eo en kobaļo̧k ie. E kar etal n̄an elōn̄ kabun̄ ko im jitļo̧k n̄an Baibōļ eo bwe en uaak. Jemes 1:5 ekar im̧we bwe en kajjitōk ippān Anij, unjān aolep m̧ool. (Lale Joseph Smith—Bwebwenato 1:10–13.)

Ke Josep ekar kōppopo n̄an jar, ekar lo juon jikin eo im emeļak im lur. Mekarta aolep mellejon̄ ko ekar jelmae ilo jinoun jar eo an, Josep ekar lukkun “kakkōt kōn aolep an kajoor n̄an kūr ioon Anij n̄an kajeor [e]” (Josep Smith—Bwebwenato 1:16) im bōk juon uaak n̄an kajjitōk eo an (lale eoon 18–19).

Jān en̄jake eo an Josep, eļap men ko jemaron̄ ekkatak kōn tōmak, jar, im bōk uaak in kajjitōk ko. Eaorōk n̄an keememej bwe ke Josep ekar bōk uaak in kajjitōk eo an ilo visōn eo kōn Jemān im Nejin, ilo aolepen mour eo an ekar wōnm̧aanļo̧k in kappukot uwaak ko jān Anij ilo jar. Uwaak kein raar itok iumin elōn̄ iiō ilo an kajjitōk wōt, pokake, im tōmak ke Anij enaaj uaak.

Būreejitōn Russell M. Nelson ekar katakin, “Rikanaan Josep Smith ekar kōm̧m̧ane juon jon̄ak n̄an kōj n̄an ļoore ilo ad ņa mejļan kajjitōk ko ad“:

• Jitļo̧k n̄an jeje ko rekwojarjar im kein jipan̄ ko jet āinwōt in im raurōk.

• Kappukot kōn juon bōro em̧ool im peļļo̧k.

• M̧ōņōņō in jerbal ioon uaak ko kwoj buki.

• Kile bwe uaak ko rej itok ilo iien eo an Irooj.

Visōn eo M̧oktata ej kakōļļeik jinoun Jepļaaktok eo an gospel eo an Jisōs Kraist im ej wōnm̧aanļo̧k wōt rainin. Ilo raan jab eo ilo spring in 1820 eo, Anij ekar kōnono ippan Josep, kar uwaake jar eo An, im leļo̧k tōl ko im raar ejaake Kabun̄ eo an Jisōs Kraist ioon laļin bar juon alen.

Eļan̄n̄e jej tōmak ke Irooj ekar kōnono ippān Josep, innem jemaron̄ tōmak ke ej kōnono n̄an kōj. Eļan̄n̄e jej lōke ke E ekar bar ejaake Kabun̄ eo An jān Rikanaan Josep, jemaron̄ lōke ke E ej wōnm̧aanļo̧k im tōl kōj jān rikanaan eo ad kiiō, Būreejtōn Russell M. Nelson.

Āinwōt Josep Smith, rikanaan ro remour rej bōk revelesōn n̄an tōl Kabun̄ in. Būreejtōn Russell M. Nelson ekar ba, “Eļan̄n̄e en̄jake eo ekabwilōn̄lōn̄ an Josep Smith ilo Bukwin Wōjke ko ej katakin kōj jabdewōt men, ej bwe lan̄ej peļļo̧k im bwe Anij ej kōnono n̄an ajri ro Nejin.”

Kōn naan in kam̧ool kōn Visōn eo M̧oktata, tōmake eo ad ilo Irooj, Kabun̄ in An, im revelesōn ko E ej wōnm̧aanļo̧k im letok n̄an rikanaan im rijilōk ro rainin ej kajoorļo̧k.

Ilo an oktaktak iaļ in oktak ko an kajjojo armij, ejjab to aolep renaaj aikuji juon kam̧ool jān Jetōb Kwojarjar n̄an maron̄ bōk juon kam̧ool kōn Visōn eo M̧oktata im m̧ool ko jet an gospel eo.

Būreejtōn Jeffrey R. Holland, Ribōk jikin Būreejitōn eo an Doulul eo an Jon̄oulruo Rijjilōk ro, ekar katakin, “M̧ool ilo kile kajjitōk ko ami im n̄ūrbōktak ko ami, ak m̧okta im indeeo dele kijeek in tōmak eo ami, kōnke men otemjej rej pidodo n̄an ro rej tōmak.”

Jar ej kii eo n̄an kōpeļļo̧k kōjem̧ eo an revelesōn an juon make kōn Visōn eo M̧oktata—im aolep kajjitōk ko. Kajjitōk Ippān Anij. Kajjitōk eļan̄n̄e Josep eaar lukkuun lo Jemān im Nejin. Kappukot Jetōb eo, lōke Irooj, im kajjieon̄ wōt. Im komaron̄ naj ba āinwōt Josep “Ikar jeļā, im iaar jeļā bwe Anij ekar jeļā, im iban kar maron̄ kariab e” (Josep Smith—Bwebwenato 1:25).