Liège, Belgium

Gospel eo an Jisōs Kraist em̧ōj an jepļaaktok kar bōlen m̧oktata jikrōkļok ilo Belgium ke juon Armij eo ekwojarjar jān Turkey, Mischa Markow, ekar jino katakin Esselman baam̧le eo ilo 1888. Ālkin aer kar peptaij, mijenede ro ilo Switzerland im Germany raar jino jerbal ilo Belgium. Iumin ruo allōn̄, 80 armij raar kobatok ilo Kabun̄ in, im kurup in jar ko raar ejaak ilo Liège, Brussels, im Antwerp. Rainin, Kabun̄ eo an Jisōs Kraist im Armej ro Rekwojarjar ilo Raan Ko Āliktata ilo Belgium ewōr:

• 6,600 membōr ro (kōpetatainļo̧k

• 2 stakes (11 wards, 2 branches)

• 1 tampeļ (kōjeļļā kake ilo 2021, naaj ekkal ilo Brussels)

Kōjeraam̧m̧an ko an Ekkatak Jeje ko Rekwojarjar

Karen Wery jān Namur Ward ej ba kōn baamle eo an: “Kemij ekkatak jeje ko rekwojarjar ippān doon im kwaļo̧k ļōm̧ņak im im̧we ko am ippān doon. Kemij kōjerbal jeje ko rekwojarjar ak bar pija ko im kein jipan̄ ko jet, āinwōt Jera māākjiin eo, n̄an jipan̄ ajiri ro nejim meļeļe ļo̧k katak eo. Tōprak eo eļaptata ippam ej eddōkļo̧k in koba ippān doon ilo m̧weo m̧ōm.”