“Jerbal ko an Anij Rej Waļo̧k,” Liaona, Jān. 2025.
Pija ko an Tōmak
Jerbal ko an Anij Rej Waļo̧k
Ikar jab jeļā eļan̄n̄e in kar mour ak pād wōt ilo aō pilo. Ikar jeļā wōt ke ankilaan Anij enaaj kōm̧m̧an im bwe E enaaj abjeik eō ilo mellejon̄ eo aō.
Pija ko jān Christina Smith
Ilo Jānwōde 7, 2023 eo, iaar ruj tok ilo aō jab loļo̧kjen ilo māj eo meja tualmo̧o̧ņ im emaron̄ 10 wōt bōjjāān in aō loļo̧kjen ilo māj eo tualmiin̄. Laļin eaar ekar m̧ōkaj an makunļo̧k ilo kūre—ilo m̧ool. Kōļar im meram̧ raar jako. Kar likūt eō ilo marok, mijak, im pere.
Āinwōt juon rijin̄a, men eo iar kōņaan ej n̄an kakobaba ilo aiboojoj eo an laļin kōn jin̄a—juon ikdeelel eo im ekar pād ippa aolepen mour eo aō. Ta eo inaaj kōm̧m̧ane n̄e ijjab maron̄ lo, bōk ko̧ņao ie, ak kam̧m̧oolol kōn aiboojoj eo an laļin?
Jejjo raan moktaļo̧k, meja eaar m̧ōjņo n̄an meram, im ļain meram̧ ko rekkan̄ raar jino eromrom ilo meja. Inepata, iaar etal loļo̧k takto in māj eo. Ālkin an etale meja, ekar ba juon dān eo ear ejaak im ej waļo̧k ilo kamelij eo ekar kōm̧m̧an kenaak ilo bōrā, ejaake kakōļļe ko im rej āinwōt tumar in kamelij, ekoba pilo.
Ekar jiron̄ eō ke enaaj dikļo̧k aō loļo̧kjen jidik kōn jidik ilo allōn̄ ko rej itok n̄e jab taktōiki. Ekar kallikar n̄an n̄a, ijoke, bwe eļap iien n̄an aō pukot juon taktō in kamelij, eo emaron̄ kōm̧adm̧ōde dān in.
Inepata, iaar kajjitōk juon kōjeraam̧m̧an in kōmour im kaenōm̧m̧an ippān jema, eo ej jerbal āinwōt juon bisop. Ke e im juon iaan rikakpilōklōk ro an rej kōjeraam̧m̧an eō, eoon eo em̧m̧antata ippa ilo Jeje ko Rekwojarjar eaar itok n̄an ļōm̧ņak eo aō:
“Im rikaḷoran rej kajjitōk Ippān im ba, “Rabbai, wōn e ar jerọwiwi, armej in, ak jemān im jinen, bwe ear ḷotak im pilo?
“Jisōs e uwaak, “Armej in ear jab jerọwiwi, ak jemān im jinen; a bwe jerbal ko an Anij ren waḷọk kōn e” (Jon 9:2–3).
Āliji im bar āliji ilo ļōm̧ņak eo aō, iaar ļo̧m̧ņak, “Kajoor eo an Anij enaaj waļo̧k ilo men in.” Ikar jab jeļā eļan̄n̄e kar meļeļe in inaaj kar mour ak pād wōt ilo pilo. Ikar jeļā wōt ke ankilaan Anij enaaj kōm̧m̧an im bwe E enaaj abjeik eō ilo mellejon̄ eo aō.
“Jete Addi ko Kwomaron̄ Loe?”
Ekar wōr aō iien iar karōke n̄an jejjo raan tokālik ippān juon takto in kamelij, ak jibbon̄in Jānwōde jab eo, leddik eo jeiū, Kylie, ekar en̄jake bwe baam̧le eo aō rej aikuj bōk eō n̄an jikin idin̄ eo ilo juon hospital epaak. Taktō ro raar m̧ōkaj in kōm̧m̧ane juon wōrtar n̄an juon pija ak computed tomography (CT) jikāān im eo m̧oktata an jejjo spinal tap ko n̄an kadikļo̧k aaer in cereborspinal dān (fluid) eo. Raan eo tok juon, raar kōm̧m̧an ruo MRI (screening n̄an check ilowa) ko ippa. Innem juon takto in māj im loļo̧kjen ekar etale eō.
“Jete addi kwomaron̄ loe?” ļein ekar kajjitōk, ej kajutak jet addi ko im̧aan meja. Iaar jab maron̄ lo jabdewōt.
Ālkin etale eo an, ļein ekar ba ke jōrrāān ko rej pseudotumor cerebri (juon aer ilo ļat in bar) im optic neuritis (ebbōj ilo māj). Men kein ruo rej okar in jōrrāān eo ippaer make. Ļein ekar kōmeļeļe bwe kōn jon̄an jōrrāān aō loļo̧kjen, enaaj bōk iiō n̄an kammomo im bwe emaron̄ jab jako aō pilo. Ekar rōjan̄ bwe in bōk juon uno ekajoor āinwōt dān in IV im bar jet uno.
Ke ej etal, iaar jino jan̄ Jinō eaar kōkajoor eō, “n̄e kojjab maron̄ dapij tōmak eo am̧ kiiō, komaron̄ lōke kem.”
“Jouj Kaenōm̧m̧an Eō”
Raan eo kein kajilu aō ilo hospital, takto in kamelij eo aō ekar kajjitōk bwe jen kōm̧m̧ane juon MRV (scan in pijaik kamelij eo aō) n̄an kappok tumar ak jabdewōt mennin bōbrae. Ke ej 4 awa jibbon̄, ruo raan ālkin aō kar rujtok kōn pilo, iaar jinoe juon MRV lalem awa aetokan. N̄an kōpopo, baam̧le eo aō ekar kōm̧m̧an karōk n̄an jar im jitlo̧k kōn n̄a jibbon̄ōn jab eo. Jema, eo ekar kiki turu ilo juon jea kajjojo bon̄ ilo ruum̧ eo aō iloan hospital, ekar kōjeraam̧m̧an eō—kein karuo in elōn̄ kōjeraam̧m̧an ko iaar buki.
Ke juon rijerbal in hospital ej kajjitōk n̄e ikōnaan ron̄jak al ilo iien teej eo aō, iaar kajjitōk kōn al ko ri al eo em̧m̧antata ippa ej al kaki. Rijerbal eo eaar likūt kein ron̄jak ko loan lojiln̄ū im keitaak bōra lalļo̧k kōn juon m̧ōttan in māj n̄an dāpij eō ijo. Ilo iien eo, ekar kawōtlo̧k kein ron̄jake ko jān lojiln̄ū. Jidik wōt aō ron̄ ainikien al ke ej jino MRV eo.
Eļak toļo̧k kōm̧adm̧ōd eo, ikar en̄jake eļapļo̧k an bwil ilowaan tubular image machine eo. Ālkin juon iien eo im ekar āinwōt indeeo, kar jiron̄ eō bwe ekar em̧m̧an aō pād im n̄an wōnm̧aanļo̧k wōt jidik. Ak iar mijak im ebweer kōn bwil eo, ainikien eo eļap, im aer dāpij eō bwe in jab m̧akūtkūt.
Ilo juon jar ejeļo̧k ainikien, iaar akweļap: Jema Ilan̄, jouj im kaenōm̧m̧an eō.“ Imake iaaō. Ij aikuji Am̧ jipan̄. Ij aikuji baam̧le eo aō.”
Ejjab to, juon ainikien piano emera ikar ron̄ ilo lojiln̄ū. Kar juon iaan al ko rem̧m̧antata ippa—juon iaaer im leddik eo jatū, Morgan, ej kōjan̄jan̄ ilo piano eo. In kar jab kōtmene n̄an ron̄ jān an ebooļo̧ļ kein ron̄jake ko im ļap ainikien mijjiin eo. Ekar āinwōt n̄e Morgan ekar pād ippa, im iaar jab make iaaō. Ainikien kowaron̄ron̄ eo ekar jako. Bwil eo ekar jako. Mijak eo an keņaak ekar jakoļo̧k.
Āinwōt ij en̄jake aō jako jen ānbwinū, āinwōt n̄e iaar epepe ilo mejatoto. Ikar en̄jake an iakwe eo an Anij jepool eō im bar iakwe eo an baam̧le eo aō. Āinwōt in, iaar aenōm̧m̧an. Ekar 7 jimettan awa jibbon̄., iien eo baam̧le eo aō ekar jino jitlo̧k kōn n̄a. Aolepān awa ko ļalem ilo MRV eo rekar m̧ōkaj aer eļļāļo̧k, innem iaar ron̄, “Em̧ōj kwe.”
Iakwe eo iaar en̄jake jān jekjek in ekar katoor dānnin meja im kaenōm̧m̧an inepata eo iaar en̄jake ilo aō kar pād hospital. Iaar jab jeļā n̄e inkar bar lo̧ļo̧kjen, ak iaar jeļā ke Anij ekar pād ijo im ekar ron̄ jar eo aō. Ālkin emen raan ilo hospital, ikar diwōj.
“Men In Ekabwilōn̄lōn̄!”
Kajjojo raan ilo wiik ko tok ruo, iaar jepļaak n̄an hospital eo n̄an kauno, im kajjojo raan ij lale oktak ko ilo aō loļo̧kjen—kūre eo eddo eaar nejukunļo̧k n̄an kūre mera, annan̄ eo emarok ej waļo̧k itōrerein addi in peiū im̧aan meja, juon oran etab ioon TV eo ej oktakļo̧k n̄an juon wut. Aolep em̧m̧anļo̧k jidik ko ej juon wiin.
Ruo wiik ālkin aō kar diwōj, juon test ekar kwaļo̧k ke pilo eo aō ekar jako jān jiro n̄an eitōn kūlier ilo māj ko ruo jimor.
“Bronwyn, ta eo ekar waļo̧k?” taktō in māj eo aō ekar kajjitōk.
“Ekwe, kem lakkar jar, im ikar bōk kōjeraam̧m̧an ko,” iaar uwaak.
“Men in ekabwilōn̄lōn̄!” ļein ekar ba. “Ijjan̄in kar elolo an kain in waļo̧k. Enkar ejjeļo̧k ad jeļā kōn lukkun alikkar āinwōt in iloikūt kein ron̄jak ko loan lojiln̄ū im keitaak bōra lalļo̧k kōn juon m̧ōttan in māj n̄an dāpij eō ijo. iumin emaron̄ kar jiljilijno allōn̄.”
Tokelik ekar jiron̄ eō ke rinan̄inmij ro im rejjab loļo̧kjen ekkā aer jab bar loļo̧kjen im j pilo. Ilo iumin wiik ko, ikar etal jān juon iaan case ko renana tata n̄an eo em̧m̧antata.
“Ļo̧o̧r Meram eo an Kraist”
Ilo jem̧ļo̧kin 2022 eo, ritōl ro ilo ward eo an jema raar kāālet juon unin tōl an ward eo n̄an 2023. Kar im̧we jān katak ko jān Būreejtōn Russell M. Nelson, eo kar ilo jinoin kar iiō eo ekar ba, “Kappukot im kōtmāne kabwilōn̄lōn̄ ko.”
Ilo iien eo, jema ekar ļōm̧ņak bwe unin tōl eo enaaj kar jipan̄ ro uwaan ward eo imraar niknik ilo iien ko repen. Ekar ejjeļo̧k an ļōm̧ņak ke enaaj kar lukkun jipan̄ baam̧le eo am.
“Ļo̧o̧r meram eo an Kraist” ilo ad riiti unin tōl eo. “Kōtmāne kabwilōn̄lōn̄ ko! Kōtmāne lan̄lōn̄!”
Ruo iiō tokelik, aō loļo̧kjen ear em̧m̧anļo̧k jān jinoin jān aō kar pilo. Ij kam̧m̧oolol Jemedwōj Ilan̄ aolep raan kōn kabwilōn̄lōn̄ eo aō im kōn tōmak eo epen an baam̧le eo aō. Jān mellejon̄ in, jerbal eo an Anij ekar kwaļo̧k make. Ear kajoorļo̧k naan in kam̧ool eo aō, juon kam̧m̧oolol em̧wilaļo̧k kōn mour, im juon iakwe eļapļo̧k n̄an E im n̄an baam̧le eo aō im ro m̧ōtta.
Rainin, ij kōm̧m̧ane aolep men imaron̄, ekoba āinwōt juon rijin̄a, n̄an kawōrtokjen kōjeraam̧m̧an kein, mennin letok kein, im lan̄lōn̄ in Anij eaar letok n̄an n̄a—n̄an kaiboojoj E im kō kōjeraam̧m̧an ro jet.
Rainin, Bronwyn ej kōjerbal jin̄a ko an, āinwōt pija in pijaan Rilo̧mo̧o̧r eo, n̄an kaiboojoj Anij im kōjeraam̧m̧an ro jet.