Ta M̧ool ko Kean̄ in Jepļaaktok eo ej Katakin?

Josep Smith ej bukwelōlō ilo bukin wōjke ko rekwojarjar

Ilo kweilo̧k eo eļap ilo Eprōļ 2020, Būreejtōn Russell M. Nelson ekar riit “Jepļaaktok eo an Tarlep in Gospel eo an Jisōs Kraist: Juon Naan in Kean̄ n̄an Laļ in Kōn Rūbukwi Iiō in Jepļaaktok eo.” Innem ekar ba: “Ekkatak ippam make im ippen baam̧le eo am̧ im ro m̧ōttam̧. Kejo̧kļo̧kjeņ kōn m̧ool ko im ļōmņak kōn jelet eo an m̧ool kein im renaaj kōm̧m̧an oktak ilo mour eo am̧ eļan̄n̄e kwonaaj ron̄jake er, eo̧ron̄ er, im pokake kien ko im bujen ko im rej m̧ōttan wōt m̧ool kein.”

Tebōļ in ilaļ enaaj jipan̄ eok ļoor kapilōk eo an rikanaan eo n̄an ekkatak kean̄ eo. Ilo am̧ kōm̧m̧ane, ļōm̧ņak in kakōļļe ejjab bwebwenato ko wōt an Jepļaaktok eo ak bar pein tōl eo an Irooj ilo iien ko. (jeje ko an kean̄ eo repād ilo Gospel Library ak ilo jemlokin katak Itok, Ļoor Eō iiō in.)

Pārokōrāāp	Ekkatak: Ta M̧ool eo Kwar Loe?	Kejo̧kļo̧kjeņ Ta ko M̧ool Kein rej Katakin Eok?	Pokake: Ekōjkan Am̧ Kōjerbal M̧ool Kein ilo Mour eo Am̧?	Kwaļo̧k: Ekōjkan Am̧ Kwaļo̧k M̧ool Kein ippān Baam̧le eo Am̧ im ro M̧ōttam̧?
1
2
3
4
5
6
7
8
9

Etke Kabun̄ in ej Letok Naan In Kean̄ ko?

Kwaar ke jeļā ke ewōr jiljilino wōt kean̄ ko Kabun̄ eo an Jisōs Kraist im Armej ro Rekwojarjar ilo Raan Ko Āliktata ekar kadiwōjtok? Ko jilu jinountata kar jeje ikōtaan 1841 im 1865. Kean̄ ko jilu āliktata raar publish jān 1980 eo:

“Kean̄ eo jān Būreejtōnji eo Kein Kajuon im Doulul eo an Jon̄oulruo Rijilōk ro an Kabun̄ eo an Jisōs Kraist im Armej ro Rekwojarjar ilo Raan Ko Āliktata” (1980), kamālim jān Būreejtōn Spencer W. Kimball (1895–1985) im kar jān-Elder Gordon B. Hinckley ilo kemem eo kein ka 150 an Kabun̄ in.
“Baam̧le Eo: Juon Naan in Kean̄ n̄an Laļ in” (1995), Būreejitōn Gordon B. Hinckley ekar riiti ilo Kweilo̧k eo Eļap an Doulul eo an Kōrā ro n̄an kwaļo̧k enaan eo an Kabun̄ in kōn baam̧le.
“Naan in Kean̄ Kōn Jepļaaktok Eo: Juon Naan in Kean̄ n̄an Laļ in Kōn Rūbukwi Iiō in Jepļaaktok eo” (2020), Būreejtōn Russell M. Nelson ekar riiti ilo kweilo̧k eo eļap an Eprōļ 2020—rūbukwi iiō ālkin Visōn eo M̧oktata. Ej bar kwaļo̧k bwe Josep Smith ekar juon rikanaan an Anij im bwe Kabun̄ eo an Jisōs Kraist im Armej ro Rekwojarjar ilo Raan Ko Āliktata ej kabun̄ eo em̧ōj kōjepļaaktok an Jisōs Kraist.

Kean̄ ko rej n̄an aolep armij ro ipeļaakin laļin. Rej “aorōk im ekwojarjar … em̧ōj kar jei n̄an kōtōpar eo n̄an, kallōk, im kōm̧m̧akūtkūt jerbal ko an Kabun̄ in āinwōt aelōn̄ eo an Anij ioon laļin.” Kean̄ ko rej juon kam̧ool ko rejeja im kalim̧ur ko rekajoor bwe ewōr juon rikanaan ej tōl Kabun̄ in im laļin rainin.