Ennaan an Ritōl an Eria
Lan̄ ej Peļļo̧k
Jepļaaktok eo an gospel eo an Jisōs Christ ekar jino ilo 1829 eo ke juon ļaddik, eo enaaj erom̧ juon Rikanaan Josep Smith, eaar kajjitōk ippān Anij ewi wōt kabun̄ eo ej aikuj kobaļo̧k ie. Jen iien eo, revelesōn ko rekwojarjar raar jepļaaktok n̄an laļin kōn pedped in m̧ool ko kōn piktok in Anij, mālim in priesthood eo An im karōk in lo̧mo̧o̧r eo An n̄an armej.
Būreejtōn Russell M. Nelson ej kwaļo̧k bwe Jepļaaktok in ej wōnm̧aanļo̧k wōt rainin āinwōt emour, pedped eo ekajoor an Kabun̄ eo an Jisōs Kraist im Armej ro Rekwojarjar ilo Raan ko Āliktata.
Ilo ennaan in, jej lo jet iaan katak ko an Būreejtōn Nelson kōn Jepļaaktok in im ta aorōkin n̄an kōj im n̄an laļin.
Jepļaaktok in ej juon Jerbal Ejjeļo̧k Jemļo̧kin
Ilo 2020, Būreejtōn Nelson eaar kwaļo̧k kadkadin naan in kean̄ eo n̄an keememe 200th iiō kōn Visōn eo M̧oktata an Josep Smith. Ej kwaļo̧k kam̧ool bwe Anij ej wōnm̧aanļo̧k wōt im kwaļo̧k An kilaan kōn revelesōn:
Kean̄ in ej kam̧ool bwe kōn Jepļaaktok in, Anij ej bar juon alen kwaļo̧k An kilaan, kōpeļļo̧k lan̄ ko, im letok meļeļe n̄an aolep armej ro rej itok n̄an Kraist.
“Kōmij lukkuun kam̧m̧oolol in kwaļo̧k bwe Jepļaaktok eo kar kallim̧ur kake ej wōnm̧aanļo̧k wōt kōn revelesōn. Laļ in eban bar āinwōt m̧okta, āinwōt an Anij naaj ‘kobaik men otemjej ilo Kraist’ (Epesōs 1:10).”
Būreejtōn Nelson ekar kwaļo̧k m̧ool in ilo 2018 ke ekar ba:
“Jej kam̧ool an jerbal jepļaaktok in. … Eļan̄n̄e kwonaaj ļōmņak kōn an Kabun̄ in kar likieo in jepļaaktok, kwoj loe wōt jinoin. Ekanooj lōn̄ men ko rej itok. … Kōttar m̧ae iiō in laļ. Innām iiō eo juon. Idaaki uno ko nim̧ōm̧. Kakkūje. Enaaj lukkuun kaitoktok limo.”
Eddo eo Eaorōk an Josep Smith ilo Jepļaaktok in
Ilo 2021, Būreejtōn Russell M. Nelson ekar kwaļo̧k kam̧ool bwe Rikanaan Josep Smith “ej rikanaan eo an epepen in āliktata … juon naan in kam̧ool kōn eddo eo eaorōk an Josep Smith ilo Jepļaaktok in eo eaorōk n̄an kōj kajjojo ro rej kwaļo̧k gospel eo an Irooj.”
Eaar ba:
“Jej bwilōn̄ elmen an Josep maron̄ kar kadedeļo̧k aolep men ko ekar kōm̧m̧ani ilo mour eo an. Men ko ekar kōm̧m̧ani rekar menin kabwilōn̄lōn̄ im kajoor eo ejjeļo̧k jem̧ļo̧kin an Anij eo Ekajoor Bōtata, ilo Irooj Jisōs Kraist im elōn̄ armej in lan̄ ro. …
“Kar loļo̧k Josep jen, ak elolo visōn, elōn̄ rikanaan ro etto im enjeļ ro … jān en̄jake kein rekabwilōn̄ļōn̄, Josep eaar jino meļeļe kōn jeļāļo̧kjeņ eo an laļin n̄e ej keidi jeļāļo̧kjeņ eo an lan̄.”
Innām Būreejtōn Nelson ekar kajjitōk ippād n̄an ļōmņak kōn wujlepļo̧k eo an Josep Smith n̄an jeļāļo̧kjeņ eo ad make kōn gospel in em̧ōj an jepļaaktok.
“Aolep jeje ko ad rekwojarjar raar waļo̧ktok jān Rikanaan Josep Smith. Kōn e jaar bōk elōn̄ļo̧k jeje ko rekwojarjar jen kar rikanaan ro jet.”…
“Kōn Josep Smith, Irooj eaar bōk m̧aantak jeje ko rekwojarjar bwe E eaar jeļā ke raorōk n̄an rijilōk ro An n̄an meļeļe. Rej kwaļo̧k kōn karōk in m̧ōņōņō eo in indeeo im kōn iaļen bujen eo An indeeo eaiboojoj.”
Kōņaan eo an rikanaan eo ad Russell M. Nelson kōn Jepļaaktok in ejjab bajjōk:
“Ijjab maron̄ kōnono kōn Jepļaaktok in ilo juon ainikien jum̧ae. Bwebwenato in em̧ool ekabwilōn̄lōn̄! Ekabwilōn̄lōn̄! Em̧m̧an! Jon̄an an em̧m̧an ribōktok ennaan ro jān lan̄ raar itok n̄an leļo̧k mālim im kajoor n̄an jerbal in?
“Rainin, jerbal eo an Irooj ilo Kabun̄ eo an Jisōs Kraist im Armej ro Rekwojarjar ilo Raan Ko Āliktata ej wōnm̧aanļo̧k ilo tōrein.
Eaar jiron̄ kōj aolep n̄an bōk koņaad ilo jerbal in ej wōnm̧aanļo̧k an Jepļaaktok in, n̄an aiintok Israel jim̧or ilo ron̄ol in nuknuk eo n̄an kepooj laļin n̄an jepļaaktok eo an Jisōs Kraist n̄an laļin.
Būreejtōn Nelson ej kakkōļ bwe raan ko repād im̧aan reban pidodo.
“Ilju im jekļaj enaaj pidodo ak bun̄bun̄ in juon membōr eo etiljek an Armej ro Rekwojarjar ilo Raan Ko Āliktata. Kajjojo iaad naaj bōk mālijjon̄. Rijilōk Paul ekar kakkōļ bwe ilo raan ko āliktata, ro rej tiljek in ļoor Irooj “naaj matōrtōr er” (2 Timote 3:12). Kain matōrtōr in maron̄ kam̧ōjno̧ik eok ak lōn̄aj eok n̄an eļapļo̧k waanjon̄ak n̄an bōk peran ilo mour eo am̧ kajjojo raan.”
Innām ej kakeememej kōj wāween an Irooj ļōme kōj ilo jerbal in An:
“Elmen am̧ dipuk apan̄ ko an mour in ko rej m̧ōttan eddōkļo̧k eo am̧ ilo tōmak. Kajoor ej itok n̄e kwoj keememej bwe kwoj juon menin kōm̧anm̧an eo ekwojarjar, juon menin letok eo eaorōk ejjeļo̧k jem̧ļo̧kin.. Ilo am̧ etetal ilo iaļan wānōk eo an Irooj, kwonaaj jeraam̧m̧an n̄an wōnm̧aanļo̧k wōt ilo em̧m̧an eo An im n̄an meram im juon rilo̧mo̧o̧r n̄an armej ro An.” (lale Katak im Bujen Ko 86:8–11)