Iakwe eo an Ad Rilo̧mo̧o̧r Kōn Menmenbwij an Baam̧le

Ilo ad keememe raan in ļotak eo an ad Rilo̧mo̧o̧r, Jisōs Kraist, jej keememej menin letok eo eaiboojoj Ekar letok n̄an kōj kajjojo kōn Pinmuur eo An–menin letok eo an mour in indeeo im mour ijo ilōn̄tata.

Āinwōt “Rilo̧mo̧o̧r ro ilo To̧l Zaion”i, jemaron̄ leļo̧k menin letok in n̄an ro jibwid im jim̧m̧ad kōn kain̄i ko an tampeļ. Menmenbwij an baam̧le im jerbal in tampeļ ej kōtļo̧k ad jipan̄ lo̧mo̧o̧ren ro raar itok m̧oktaļo̧k jen kōj, leļo̧k n̄an er bar juon iien n̄an bōk kajoor in pinmuur eo an Kraist.

Marie Purcell, jān Massey Park Ward ilo Auckland New Zealand Papatoetoe Stake, ekar en̄jake m̧ōņōņō eo an jerbal in ke e im ro jinen im jemān raar liāp eo jim̧m̧aer ejitenbōro, Afele Schwenke, n̄an baam̧le eo an—juon kōjeraam̧m̧an me ekar jab bōke ilo mour in tiljek eo an im jerbal n̄an Kabun̄ eo an Jisōs Kraist im Armej ro Rekwojarjar ilo Raan Ko Āliktata.

Afele Schwenke, ļotak ilo Eprōļ 10, 1912, ekar lukkuun pen ilo tōmak eo an im kar wūjlepļo̧k n̄an baam̧le eo an. Kobaļo̧k ippān kōrā eo ippān Soala, Afele eaar jipan̄ mijenede ro jān Malaela, Aleipata ium̧win ruo iiō. Ripālele rein raar kōpelļo̧k m̧weeo m̧weer n̄an mijenede ro, akwelap bwe ren jokwe ilo m̧weo ilo an Afele, Soala, im ajri ro nejier jokwe ilo Samoan fale eo aer. An jouj ejjeļo̧k jem̧ļo̧kin, im m̧weeo im̧ōn eaar erom̧ juon jikin ekkatak gospel in.

Men̄e ekar wōr juon an Afele naan in kam̧ool ekajoor im tiljek ilo an kōļļā juon m̧ōttan jon̄oul, ekar pen an kōjparok Naan in Māletlet. An iakwe n̄an Kabun̄ in ekar jab likjab, ak eaar mej ilo 1967 eo ilo an kar jab bōk kōjeraam̧m̧an ko an tampeļ.

Iiō ko tokālik, ke kōmij lali rekoot in menmenbwij eo an baam̧le, Marie im ro jinen im jemān rekar loe bwe liāp n̄an ro jinen im jemān ekar jab rekoot. Ekar m̧ōkaj an Marie en̄jake juon jetōb ekajoor–ejjab bwe en dedeļo̧k wōt liāp eo an jinen eo kar aikuj bwe en kōm̧m̧an, ak bar jim̧m̧an Afele. Mejen eaar jiktok ilo ļōmņak eo an, im eaar jeļā bwe jerbal in tampeļ kar aikuj bwe en dedeļo̧k.

N̄an bōk im̧we in, baam̧le eo raar jikejuli juon iien liāp. Ijoke, ke rej tōparļo̧k tampeļ eo, Marie eaar kile ke raar jab lukkuun pojak kōn peba ko kar aikuji. Raar etal wōt kōn kain̄i ko jet, ak ilo ruum̧ in liāp eo, Marie im jinen raar en̄jake būrom̧ōj ilo an kar jab kōm̧m̧an kain̄i ko.

N̄an ļōmņak in kadedeļo̧k jerbal in, Marie im jinen im jemān raar bar jikejuuli bar juon iien. Ilo Eprōļ 6, 2024, raar bar ro̧o̧lļo̧k n̄an tampeļ eo, raar lukkuun pojak. Marie im jemān raar ribōk jikin ro jibwier im jim̧m̧aer, ak eaar jeļā raar pād ijo ke raar tōparļo̧k.

Ke riliāp eo ej kūr etan jinen, juon en̄jake in aenōm̧m̧an eaar pād ioer. Marie ej keememej an jan̄ ke ej dedeļo̧k aer kōm̧m̧ane kain̄i eo.

Kōn Pinmuur eo an Jisōs Kraist im jerbal in ekwojarjar an tampeļ, Afele Schwenke im kōrā eo ippān, Soala, raar bōk kōjeraam̧m̧an eo an indeeo.

Āinwōt Rilo̧mo̧o̧r ro ilo Toļ Zaion, jemaron̄ leļo̧k ejja menin letok in n̄an ro jibwid im jim̧m̧ad kōn mour ijo eutiejtata Kraist ej letok n̄an kōj. Ļōmņak kōn en̄jake in liāp kōn ro jibwin im jim̧m̧an, Marie eaar ba, “Ij kam̧ool bwe kōn m̧ōņōņō eo me eaar itok n̄an bōk koņaaō ilo menmenbwij an baam̧le eo ej bōktok m̧ōņōņō eo indeeo.”

“Iaar en̄jake kōn ro rej pād ilo ron̄ol eo juon kōn jerbal in ekabwilōn̄lōn̄. Im ijeļā bwe renaaj bōk kōn m̧ōņōņō kain̄i kein rekwojarjar, āinwōt aō būki kōn m̧ōņōņō ilo ron̄ol in n̄an kobaik baam̧le eo aō indeeo.”

Kajoor in liāp in ej kakeememej e bwe kōjeraam̧m̧an ko an Pinmuur eo rej pād ilo ron̄ol eo. Āinwōt an Katak im Bujen Ko 128:22 kūr kōj, “Ta jeban bun̄m̧aanļo̧k ilo juon jibadbad eļap ke?” Kūrijm̧ōj in, jen keememe ļotak eo an Rilo̧mo̧o̧r ejjab wōt bōk menin letok eo An kōn lo̧mo̧o̧r ak n̄an leļo̧k n̄an ro raar ilo̧k im̧aan jen kōj, jipan̄ er bōk kōjeraam̧m̧an eo an gospel in indeeo.