Kōjeraam̧m̧an eo an Irooj ium̧win 30 Minit

Ke Jacinta Manuafu ekar etal jen opiij eo an juon jota ālkin an kar kadedeļo̧k jet jerbal ko reidin̄ im aorōk, eaar ekkairiirļo̧k n̄an kauik ļeo ippān enan̄inmej, Maeli Maika Mauafu. Mānija eo an ilo tōre eo ekar āliji naan in kapilōk eo n̄an Jacinta bwe en likūt jerbal eo an Irooj m̧oktata, innām enaaj jeraam̧m̧an. Jacinta ekar tōmak bwe ilo an kōm̧m̧ane jerbal eo an Irooj, enaaj em̧m̧anļo̧k an ļeo ippān mour. Kōn menin, ekar ilbōk eļap ke Maeli eaar mej jimettan awa ālikin an tōpartok m̧weeo.

Maron̄ kar jab kile en̄jake in ilo būruwōn im ilo ļōmņak eo an, Jacinta ekar kennaan kōn metak eo eļap an kar en̄jake kōn jako eo an Maeli, im ilo m̧ool, ekar en̄jake jool kōnke Irooj eaar jab kōjeraam̧m̧an e, men̄e ekar lukkuun m̧ool ilo jerbal elōn̄ awa ko n̄an kadedeļo̧k jerbal in ukook ko an Kabun̄ in n̄an raan in deadline ko aer. Ijoke, Irooj eaar bōk ļeo pāleen.

Ekar lukkuun būrom̧ōj im kar lukkuun illu ilo wāween eo eaar waļo̧k, Jacinta ekar ļōmņak in jab bar ro̧o̧l in jerbal—e ekar lukkuun būrom̧ōj. Ālkin ilomej eo an Maeli, armej ro rōļak kar call e im lale n̄āāt eo enaaj ro̧o̧ļ im jerbal ilo opiij eo. Jipan̄ eo an Jacinta n̄an bar riiti laajrak in bok in katak ko an Teachings of the Prophet Joseph F. Smith ekar menin aikuj. Ak Jacinta ekar jab ba n̄an er n̄āāt eo enaaj lukkuun ro̧o̧l in jerbal. Ijoke, kōn wōt an ļōmņak kōn laajrak in kein katak ko, eaar errā ke enaaj ro̧o̧l in jerbal ak n̄an kadedeļo̧k wōt būroojāāk in. Ke ej etale jeje ko, Jacinta ekar jeļā kōn būrom̧ōj eo an rikanaan eo. Kōrā eo ippān, Julina, ekar wōr an juon nan̄inmej enana im men̄e Būreejtōņ Smith ekar kōņaan pād wōt iturin im lale, kōrā eo ippān ekar ba en etal im kōm̧m̧ane jerbal eo an Irooj. Ālkin jidik iien, ke ej kwaļo̧k juon katak ilo juon kweilo̧k ko an kabun̄ in, ekar itok juon n̄an ruum̧ eo im leļo̧k n̄an Būreejtōn Smith jidik naan ilo jeje—kar kōnnaanik e ke kōrā eo ippān em̧ōj an jako.

Dānnin kōmjaaḷaḷ eaar wōtļo̧k jen turin mejen Jacinta ilo an kar kile ke Irooj eaar jab kōjekdo̧o̧n e! Eaar leļo̧k 30 minit bwe en pād ippān Maeli m̧okta jen an mej. Ekar jeraam̧m̧an eo an eo! Kar leļo̧k n̄an e 30 minit. Ilo an rub būruwōn kōn kar en̄jake in an, Jacinta eaar jan̄ kōn Būreejtōn Smith eo ekar ejjeļo̧k an 30 minit ippān kōrā eo ippān.

Rainin Jacinta ej kōnono ettā kōn jemdo̧o̧n eo an ippān Jemedwōj Ilan̄. Ej en̄jake An aolep iien pād ijeņ n̄ane—im relikļo̧k, eaar maron̄ kalikkar elōn̄ wāween ko Ekar jipan̄ e im kar kōkajoorļo̧k e.

Leddik eo nejin Jacinta, Blanche, ekar itok n̄an Samoa im ekar nejin eo eaorōk—ej jikuuļ ettoļo̧k. Ļaddik eo nejin Jacinta, JR, ekar kōnono im kar letok an iakwe im rie, im ļaddik eo jibwin erūttotata ekar kam̧ōņōņōik e kōn eļap iakwe jon̄an wōt eo maron̄ in leļo̧k.

Mije eo an Jacinta ej wōt ilo gospel eo an Jisōs Kraist em̧ōj an jepļaaktok im wōnm̧aanļo̧k wōt āinwōt juon rikaļooraņ Kraist. Ej juon m̧am̧a im būbū eo eļap iakwe ippān, im ej m̧ōņōņō in jerbal n̄an Irooj. Ej juon full-time rijerbal wot ilo Language Translation Department of the Church, im ej juon Būreejtōn n̄an Doulul eo an Jiron̄ ro, juon YSA rūkaki, im juon rūkaki in institute n̄an Kōppopo n̄an Tampeļ, im juon rūkaki in Self-Reliance. Kōn aolep kūr ko an, ej pukot wāween ko n̄an jerbal ippān sister ro ilo ward eo an im m̧ōņōņō in katakin ilo Doulul eo an Jiron̄ ro wāween jerbal ilo an kōļapļo̧k kapeeļ in tōl eo aer. Ilo Pāpode eo, Doulul eo an Jiron̄ ro raar aiini menin aikuj ko n̄an jipan̄ļo̧k kōrā ro emej ļōm̧aro pāleer ilo ward eo ilo Valentines Day eo, ippānļo̧k jet cupcake ko kar kōmati jen Rikakpilōklōk eo. Juon iaan kōrā ro emej pāleen eaar ba bwe eļap an jeraam̧m̧an bwe raar keememej e. Juon eo emej ļeo pāleen ekar kam̧m̧oolol kōn em̧m̧an eo an Doulul eo an Jiron̄ ro im kar m̧ōņōņō kōn loļo̧k eo aer—ekabūrom̧ōjm̧ōj eaar mej ruo wiik tokālik—ak bar juon alen, ekar en̄jake iakwe eo an Irooj, jān ro Rikarejeran.