Anong mga Katotohanan ang Itinuturo ng Proklamasyon ng Pagpapanumbalik?

Enero 2025

“Anong mga Katotohanan ang Itinuturo ng Proklamasyon ng Pagpapanumbalik?,” Liahona, Ene. 2025.

Pumarito Ka, Sumunod Ka sa Akin

Ang Pagpapanumbalik

Anong mga Katotohanan ang Itinuturo ng Proklamasyon ng Pagpapanumbalik?

si Joseph Smith na nakaluhod sa kakahuyan

Sa pangkalahatang kumperensya noong Abril 2020, binasa ni Pangulong Russell M. Nelson ang “Ang Pagpapanumbalik ng Kabuuan ng Ebanghelyo ni Jesucristo: Isang Proklamasyon sa Mundo para sa Ika-200 Taong Anibersaryo.” Pagkatapos ay sinabi niya: “Pag-aralan itong mag-isa at nang kasama ang iyong pamilya at mga kaibigan. Pagnilayan ang mga katotohanan at isipin ang magiging epekto ng mga katotohanang iyon sa buhay mo kung pakinggan mo ang mga iyon, dinggin ang mga iyon, at sundin ang mga kautusan at tipan na kalakip ng mga iyon.”

Makakatulong sa iyo ang sumusunod na table na sundin ang payo ng propeta na pag-aralan ang proklamasyon. Kapag ginawa mo ito, isiping pansinin hindi lamang ang mga pangyayari sa kasaysayan ng Pagpapanumbalik kundi pati na rin ang kamay ng Panginoon na gumagabay sa mga pangyayaring iyon. (Ang teksto ng proklamasyon ay makukuha sa Gospel Library o sa dulo ng unang lesson sa Pumarito Ka, Sumunod Ka sa Akin ngayong taon.)

Paragraph	Pag-aralan: Anong mga Katotohanan ang Nakita Mo?	Pagnilayan: Ano ang Itinuturo sa Iyo ng mga Katotohanang Ito?	Sundin: Paano Mo Maiaangkop ang mga Katotohanang Ito sa Buhay Mo?	Ibahagi: Paano Mo Maibabahagi ang mga Katotohanang Ito sa Iyong Pamilya at mga Kaibigan?
1
2
3
4
5
6
7
8
9

Bakit May mga Proklamasyon?

Alam mo ba na anim na proklamasyon lamang ang inilabas ng Ang Simbahan ni Jesucristo ng mga Banal sa mga Huling Araw? Ang unang tatlo ay inilathala sa pagitan ng 1841 at 1865. Ang huling tatlong proklamasyon ay nailathala noon pang 1980:

“Proclamation from the First Presidency and the Quorum of the Twelve Apostles of The Church of Jesus Christ of Latter-day Saints” (1980), na inaprubahan ni Pangulong Spencer W. Kimball (1895–1985) at binasa ng noon ay si Elder Gordon B. Hinckley sa ika-150 anibersaryo ng organisasyon ng Simbahan.
“Ang Mag-anak: Isang Pagpapahayag sa Mundo” (1995), na binasa ni Pangulong Gordon B. Hinckley sa General Relief Society Meeting para ibahagi ang opisyal na pahayag ng Simbahan tungkol sa doktrina ng pamilya.
“Ang Pagpapanumbalik ng Kabuuan ng Ebanghelyo ni Jesucristo: Isang Proklamasyon sa Mundo para sa Ika-200 Taong Anibersaryo” (2020), na binasa ni Pangulong Russell M. Nelson sa pangkalahatang kumperensya noong Abril 2020—200 taon pagkaraan ng Unang Pangitain. Muling pinagtibay nito na si Joseph Smith ay propeta ng Diyos at na Ang Simbahan ni Jesucristo ng mga Banal sa mga Huling Araw ang ipinanumbalik na Simbahan ni Jesucristo.

Ang mga proklamasyon ay para sa lahat ng tao sa buong mundo. Ang mga ito ay “[likas na] taimtim at sagrado … inisyu na may layuning ilabas, itayo, at pamahalaan ang mga gawain ng Simbahan bilang kaharian ng Diyos sa lupa.” Ang mga proklamasyon ay isang bihira at makapangyarihang patotoo na mayroon tayong buhay na propeta na gumagabay sa Simbahan at sa mundo ngayon.