’Ua noa’a i te ’Ēkālesia te hiero nō Kirtland ’e te tahi atu mau vāhi

I te 5 nō Māti 2024, ’ua ha’amana-roa-hia te hōpoi’a ’e te fatura’a o te hiero nō Kirtland i Ohio, e rave rahi mau fare ’ā’amu i Nauvoo, Illinois, ’oia ato’a e rave rau parau pāpa’ira’a ’e te mau anoihi tei fa’ataehia mai e te Autahira’a a te Mesia i Te ’Ēkālesia a Iesu Mesia i te Feiā Mo’a i te mau Mahana Hope’a nei nō te hō’ē tino moni tei fa’aauhia.

’Ua ha’amo’ahia te hiero nō Kirtland i te matahiti 1836 (hi’o Te Ha’api’ira’a Tumu ’e te mau Fafaura’a 109–110), ’ua tītauhia rā i te Feiā Mo’a ’ia fa’aru’e i te reira, tau taime i muri noa mai nō te hāmani-’ino-ra’a. I muri a’e i te tauira’ahia te fatura’a, ’ua ’ōpanihia te hiero nō te hō’ē taime poto, i muri iho rā ’ua ’īriti-fa’ahou-hia te reira i te 25 nō Māti, i te huira’atira nō te māta’ita’ira’a tāmoni-’ore. E vai noa te reira ’ei fare ’ā’amu.

’Oia ato’a, i Nauvoo te fare fa’a’apu a te ’utuāfare Semita, te fare Mansion (te fare o Iosepha ’e o Emma mai te matahiti 1843 ē tae atu i tōna pohera’a i te matahiti 1844), ’e te fare toa Red Brick [’Ōfa’i ’Araea ’Ute’ute] (i reira te Sōtaiete Tauturu i te fa’ati’ara’ahia) ’ua ’īriti-ato’a-hia i te huira’atira nō te māta’ita’ira’a tāmoni-’ore i te matahiti tā’āto’a.