Elder Michael B. Strong

Hitu ’Ahuru huimana fa’atere rahi

’Ua ha’amata te ha’api’ira’a mai i te ’evanelia a Elder Michael B. Strong i te fare, i reira tōna nā metua i te ha’api’ira’a iāna.

« ’Ua tupu noa tō’u ’itera’a pāpū i te rahi ’e ’ua pūai roa mai i te roara’a o te tau, fātata roa ’aita e ’itehia » ’ua parau Elder Strong. ’Ia hi’o ’oia i muri : « ’Ua ’ite mata pinepine au i te rima o te Atua i roto i tō’u orara’a, terā rā ’ua ha’apāpū-roa-hia te reira e rave rahi mau ’itera’a pae vārua hōhonu mau. »

’A ’atu’atu ai ’oia ’e tāna vahine i tō rāua ’utuāfare, ’ua hina’aro mau rāua e fa’aō mai i te ’evanelia i roto i tō rāua orara’a. « ’Ua tāmata māua ’ia rara’a-noa-hia te ’evanelia i roto i te niu o tō māua orara’a », ’ua parau Elder Strong. « ’O vai mau mātou ».

’Ua noa’a tā Elder Strong parau tū’ite nō te ihi tirotiro ’e te parau tū’ite nō te tīmio i te fare ha’api’ira’a tuatoru nō Brigham Young i te matahiti 1989 ’e te hō’ē parau tū’ite taote nō te fare ha’api’ira’a tuatoru nō Baylor College of Medecine i te matahiti 1993.

E taote ’oia i te taime ’a pi’ihia ai ’oia, ’ua rave na ’oia i te ’ohipa ’ei ti’a fa’atere nō te mau ha’amāramaramara’a i te rapa’aura’a ma’i i te fare ha’api’ira’a tuatoru nō Utaha.

’Ua ’ite Elder Strong ē ’ia fārerei ana’e ’oia i te mau fifi, tae noa atu i roto i tāna ’ohipa, e arata’ihia ’oia i te mau rāve’a, nō te mea tē rave nei ’oia i teie mau tāmatara’a ’ei ’ohipa nō te pure. « E nehenehe noa vau e putapū i te Fatu e hōro’a mai ra iā’u i te mau mana’o ’e ’ia fa’a’ite mai iā’u i te mau rāve’a o tā’u e ’ore e ’ite nā roto i te tahi atu rāve’a », ’ua parau ’oia. « ’Ua ’ite au tē ha’ape’ape’a mau nei ’oia nō tātou ».

I te taime o tōna pi’ira’a ’ei Hitu ’Ahuru huimana fa’atere rahi, tē tāvini ra Elder Strong ’ei Hitu ’Ahuru ārea i roto i te ārea nō Utaha. ’Ua tāvini ato’a ’oia ’ei peresideni nō te misiōni nō Peru Lima Central, ’ei peresideni titi, ’ei ’episekōpo ’e ’ei misiōnare rave tāmau i roto i te misiōni nō Bolivie Cochabamba.

’Ua fānauhia Michael Brent Strong i Roto Miti i te 6 nō ’Ātete 1965. ’Ua fa’aoipoipo ’oia ia Cristin Connelly i te 22 nō ’Ātete 1987, i roto i te hiero nō Roto Miti. E ono tamari’i tā rāua. Tē noho nei Elder ’e te tuahine Strong i Centerville, Utaha, Marite.