Peresideni Paul V. Johnson

Mai tōna tōro’a ’ei ’orometua ha’api’i nō te seminaire tae noa atu e iva matahiti tōna rirora’a ’ei fa’atere rahi nō te ha’api’ira’a a te ’Ēkālesia, ’ua fa’ari’i te peresideni rahi nō te Ha’api’ira’a Sābati, te peresideni Paul V. Johnson e rave rahi roa ’itera’a nō te ha’api’ira’a i te ’evanelia. Te maita’i faufa’a roa a’e rā tāna e hōpoi mai i tōna pi’ira’a ’āpī, ’ua parau ’oia ’o « tō’u ïa here i tō’u Metua i te ao ra ’e i te Fa’aora ’e tō’u here nō te feiā ’āpī ’e ia vetahi ’ē ato’a ».

’Ua fānauhia te peresideni Johnson i te 24 nō Tīunu 1954, i Gainesville, Floride, i te fenua Marite, e Vere Johnson ’e Winefred Amacher. Hou ’oia ’a ti’ahia ai e hō’ē matahiti, ’ua fa’anu’u atu tōna nā metua i Logan, Utaha, i te fenua Marite, i reira tō rāua aupurura’a iāna ’e tōna mau taea’e ’e tuahine e hitu.

’Ua mātau ’oia i tāna vahine ia Jill Washburn, i tōna ravera’ahia nō te tu’e i te pōpō i te ha’api’ira’a tuarua nō Monticello, Utaha, e te hō’ē ta’ata fa’aineine tahito o tei fa’anu’u mai i Logan. ’Ua fārerei a’ena Paulo ’e ’o Jill nā mua atu, i muri iho ’ua riro mai rāua ’ei hoa ’a haere ai rāua i te hō’ē ā pāroita ’e e hō’ē ā piha ha’api’ira’a seminaire. ’Ua pāpa’i te tuahine Johnson iāna ’a tāvini ai ’oia i te hō’ē misiōni rave tāmau i Norevetia.

’Ua fa’aipoipohia rāua i te 18 nō ’Ātete 1976 i roto i te hiero nō Logan, Utaha. E 9 tā rāua tamari’i ’e e 43 mo’otua.

’Ua fa’aruru Johnsons mā i tō rāua rahira’a tāmatara’a, te pohera’a te hō’ē tamāhine i te ma’i māriri ’aita’ata i te ’arora’a i tō rāua iho mau fifi i te pae o te ea. ’Ua parau rā te peresideni Johnson ē, ’ua tarai teie mau ’itera’a i tōna hi’ora’a i te fa’anahora’a a te Atua. « Tē mana’o nei au ē, e hōro’a mai te reira iā’u i te hina’aro, ’ei ’orometua ha’api’i e tauturu i te feiā ’āpī ’ia tāpe’a māite i ni’a i te Fa’aora ’e i ni’a i tō rātou Metua i te ao ra », tē nā reira ra ’oia.

’Ua roa’a i te peresideni Johnson te parau tū’ite tuarua nō te pae ’ānimara i te matahiti 1977 ’e te hō’ē parau tū’ite tuatoru nō te a’o ’e te arata’ira’a i te matahiti 1978, terā e piti ’ua roa’a i te fare ha’api’ira’a tuatoru nō Brigham Young. ’Ua roa’a iāna te parau tahu’a tuatoru nō te ha’api’ira’a i te fare ha’api’ira’a tuatoru nō Utaha i te matahiti 1989.

’Ua pāturuhia te peresideni Johnson ’ei Hitu ’Ahuru huimana fa’atere rahi i te ’āva’e ’Ēperēra 2005 ’e ’ua tāvini ’ei melo nō te Peresidenira’a o te Hitu ’Ahuru mai te 1 nō ’Ātete 2021. ’Ua tāvini ’oia ’ei tauturu i roto i te peresidenira’a ārea nō Europa, tauturu i roto i te peresidenira’a ārea nō Tirēni, ’ei tauturu i roto i te hō’ē peresidenira’a titi ’e ’ei ’episekōpo.

E hōro’ahia iāna te ti’ara’a fa’aturahia, ha’amata i te 1 nō ’Ātete 2024, ’ia ha’amata ’oia i tōna pi’ira’a ’āpī.