O le a se mea ua tatou iloa e uiga ia Repeka, le āva a Isaako?

Repeka i le Vaieli, saunia e Michael Deas

O nisi nei o mea ua tatou iloa e uiga ia Repeka:

Sa mama o ia ma aulelei. Tagai i le Kenese 24:16.

Sa agalelei ma filiga o ia. Sa malaga mamao atu le auauna a Aperaamo e sue se tasi mo Isaako le atalii o Aperaamo e faaipoipo i le feagaiga. Sa afe o ia i se vaieli ma tatalo ia avea le fafine o le a aumaia le vai mo ia ma ana kamela e 10 ma se o le a tofia e le Atua e faaipoipo ia Isaako. Sa faia e Repeka lenei mea. (Tagai i le Kenese 24:1–28.)

Sa ia te ia se faatuatua tele. Ina ua fesiligia o ia i le aso e sosoo ai pe mafai ona la toe foi faatasi ma le auauna a Aperaamo, sa fai atu Repeka o le a ia faia. Sa faatuatua o ia i le Alii, o le sa taialaina o ia. (Tagai i le Kenese 24:50–58.) Ma le isi, i le silia ma le 20 tausaga o le leai o se fanau, sa ia faatumauina le faamoemoe i ana feagaiga (tagai i le Kenese 25:20, 26).

Sa ia maua faaaliga mo lona aiga. Ina ua maitaga Repeka i le masaga, sa ta’u atu e le Alii ia te ia, “E nofopologa foi le ulumatua i le uii” (Kenese 25:23). Sa ia vaai mulimuli ane i le ala na teena ai e le uso matua, ia Esau, le fautuaga a le Alii ma le le faaaloalo i lona tofi ulumatua ma le ala na faamaoni ai le uso laitiiti, o Iakopo. Sa ia fesoasoani ia Iakopo ia maua le faamanuiaga o le tofi ulumatua ma lapataia o ia e manao lona uso e fasioti o ia. (Tagai i le Kenese 27.)