E Mafai Faapefea Ona Ou Fesoasoani i A’u Uo ma Aiga?

I le avea ai ma se tagata toetu, sa asiasi atu Iesu Keriso i sa Nifaē ma valaaulia i latou e faia se mea na faatuina ai se mamanu mo mea e mafai foi ona faia e i tatou o Ona soo i ona po nei. Sa Ia saunoa:

“E i ai ea ni isi o ia te outou ua mamai? … E i ai ea ni isi o outou ua pipili, pe ua tauaso, … pe ua puapuagatia i soo se ala? Ia aumai i latou iinei ma o le a ou faamaloloina i latou, ona ua ou agaalofa tele ia te outou” (3 Nifae 17:7).

Mātau le ala na tali atu ai na soo anamua.

“O le motu o tagata uma … sa latou o atu ma o latou tagata mama’i … ma i latou uma o e sa puapuagatia i soo se ala; ma sa ia faamaloloina i latou” (3 Nifae 17:9).

Ou te iloa o loo soifua Iesu Keriso ma o Ia lava o le Faamalolo agamalu. A o tatou tali atu i Lana valaaulia e aumai a tatou uo ma aiga ia te Ia, o le a Ia faamaloloina i latou i Lana lava ala.

“Ma o i latou uma, i latou uma o e na faamaloloina ma i latou o e na malolosi, sa latou punonou i lalo i ona vae, ma tapuai atu ia te Ia.” (3 Nifae 17:10).

Sei o tatou o mai taitoatasi ia Keriso a o tatou aumaia isi ia te Ia i lenei vaitau o le Eseta.