“E mafai faapefea ona ou taulai atili atu i le Faaola i le vaitau o le Eseta?”

“Ou te faia se taumafaiga e taulai atu i le Faaola e ala i le faalogologo i musika faagaeetia, mafaufau atili ia te Ia, vaavaai atu ia te Ia i lo’u olaga i aso taitasi, ma tatalo soo. Ou te fiafia foi e faitau tusitusiga paia, e aoao ai e uiga i Lona Toetu ma le faamoemoe na te aumaia ia te a’u.”

Maxwell R., 16, Misuri, ISA

“Saili mau e faitau faatasi o se aiga i aso taitasi po o vaiaso e faamanatu atu ai ia te oe lenei taimi tāua o le soifuaga o le Faaola. Vaavaai mo avanoa i aso taitasi e auauna atu ai i isi i auala faaKeriso.”

Ahonima A., 15, Togatapu, Toga

“E mafai ona ou taulai atili atu ia Keriso e ala i le faasoa atu o se mea e uiga ia te Ia i le initoneti i aso taitasi.”

Caleb F., 17, Arisona, ISA

“Faitau tusitusiga paia o loo faaalia ai Lona soifuaga, e faapitoa lava i le vaiaso mulimuli a o lumanai Lona Faasatauroga. O le tala e sili ona ou fiafia i ai o le Mataio 21–27. O le faitauina o tusitusiga paia e fesoasoani ou te lagona ai le latalata atili atu i lo’u Faaola ma malamalama atili ai i Lana Togiola.”

Grace M., 15, Alberta, Kanata

“O le Eseta ma le Togiola a Iesu Keriso ua faamanatu mai ai ia te a’u amataga fou ma se totogo o se moemoe fou. O le faafouina o a’u faiga masani i lea aso ma lea aso ma le toe iloiloina o a’u sini ua ou maua ai se avanoa e toe faatulaga ai lo’u olaga ia Keriso ma manatua atili ai o Ia ma le loto i ai i lenei taimi faapitoa o le tausaga.”

Lilly H., 17, Kalefonia, ISA