E Mafai Ona Ou Valaaulia Tagata Uma

Ata na tusia e Katelyn Budge

E faapopoleina lava a’u e faasoa atu le talalelei i uo ae fiafia foi ma olioli. O tausaga uma lava, matou te faia ai se sailiga fuamoa o le Eseta i lo matou fale. Matou te valaaulia faifeautalai ma a matou uo e le o ni tagata o le Ekalesia.

Ou te valaauliaina lava foi a’u uo e o mai matou te o i le lotu po o gaoioiga a le autalavou. E na o le tasi le uo ua sau i se gaoioiga, ma e leai se tasi ua sau i le lotu—i le taimi nei. Ae ou te valaaulia pea i latou ina ia mafai ona latou latalata atili atu i le Atua ma toe nonofo faatasi ma Ia. Ou te fiafia ai e auauna atu i isi e ala i le valaauliaina o i latou e o mai ia Keriso.

O Iesu Keriso o lo tatou Faaola ma le Togiola, o le Tamai Mamoe a le Atua, ma le Leoleo Mamoe Lelei. Ou te iloa o le a mafai ona tatou toe nonofo faatasi ma le Atua pe afai tatou te mulimuli ia te Ia.