Jakob H.

Na maliu lo’u tamamatua i le taimi na ou mauaina ai le Perisitua Mekisateko. Sa i ai pea lo’u tamamatua iina mo a’u, ma i lena aso, sa le mafai ona i ai lo’u tamamatua iina i le li’o—mo le taimi muamua i lo’u olaga atoa, i se aso sa faapitoa mo a’u.

Ae i le taimi o le sauniga, sa ou lagonaina moni lava le Agaga. Sa ou lagonaina le alofa mai lo’u tama ma isi tagata iina, faapea foi mai lo’u tamamatua. Sa ou lagonaina le lotofaafetai mo a latou molimau. O se aso faapitoa tele ma se taimi faalelagona mo a’u lava ia.

Ina ia i ai se sootaga i le va o a’u ma le Agaga Paia, e manaomia ona ou faatagaina o Ia i totonu. O se tasi o mea ou te taumafai e fai o le faitau lea o se mataupu se tasi o le Tusi a Mamona i aso uma.

Sa i ai taimi sa ou taulai atili atu ai i le aoga po o le galuega nai lo le faitauina o tusitusiga paia po o le alu i le seminare. O na taimi sa matuai faigata lava. Ae o taimi uma lava, sa amata ai ona ou toe faitauina tusitusiga paia. Sa ou fai ifo ia te au lava, "Faamalosi, e tatau ona e faaauau pea." E tatau lava ona ou faia, aua afai ou te le faitauina tusitusiga paia, ou te lagona e pei o loo misi se mea.

I Auseteria, o aso malolo mai le aoga e mai le amataga o Iulai seia oo i le vaiaso muamua o Setema, ma i le taimi lea, e te le alu ai i le seminare. Ae na faamanatu mai e le MMA ia te au e faitau tusitusiga paia. E mafai ona e faitau i aso taitasi, e oo lava i le na o le tasi le fuaiupu po o le mataupu e tasi.

Tau lava o le tuuina atu o se taimi mo le Atua ma mo Iesu Keriso. O le a e aoao e uiga ia i Laua i tusitusiga paia. Afai e te tauivi ma le faitau tusi, faaaoga na o le 10 minute i le aso, e oo lava i se malologa i le aoga po o se mea, ma o le a faamanuiaina oe.

O le faitauina o tusitusiga paia ua matuai suia ai lava au.