Tala mai le Feagaiga Tuai
Kenese 37–47
Faatau atu i Aikupito
Iosefa
O ata na tusia e Katy Dockrill
O Lana Tala
O Le Ofu Talaloa
O Iosefa o le atalii e sili ona fiafia i ai Lona tamā, o Iakopo. Sa faia e Iakopo mo ia se ofu talaloa faapitoa. Sa lotoleaga uso o Iosefa. (E lei fesoasoani le i ai o miti a Iosefa na musuia e le Atua o le a ia pulea i latou i se aso.)
O le Faalataina
Sa faatau atu e uso o Iosefa o ia i tagata e agai atu i Aikupito ma ta’u atu ia Iakopo ua maliu Iosefa. I Aikupito, o Iosefa o se pologa ma sa lafoina i le falepuipui mo se solitulafono na te le’i faia. Sa faamaoni o ia i taimi uma i le Atua, ma sa faatasi le Alii ma ia ma faamanuiaina o ia.
O Le Oge
Mulimuli ane, sa faaliliuina e Iosefa le miti a Farao ma tuuina atu ia te ia se fautuaga e saunia ai mo se oge o le a oo mai. Sa faia e Farao Iosefa o se pule i Aikupito. E le’i umi, ae o mai ona uso i Aikupito e faatau ni saito. Latou te le’i iloaina sa latou talosaga atu mo se fesoasoani mai le uso na latou faatauina atu!
O le Lavea’i
Na iu lava ina faaali atu e Iosefa o ia lava i ona uso ma ofoina atu ia i latou meaai ma apitaga i Aikupito. Sa ia faamagaloina i latou ma faasaoina lona aiga. O nei lava uso na avea ma Ituaiga e 12 o Isaraelu.
O Lau Tala
E pei o Iosefa, atonu e i ai ni ou aso e te lagona ai le faalataina po o le tiga. O faatinoga a isi tagata e mafai ona i ai ni taunuuga tetele. Ae a e faamaoni i le Atua ma taumafai e faamagalo atu i isi, o le a faamalosia oe ma faamanuiaina.