Fabio P.

Ata na pue e Ashlee Larsen

I le Eseta, e masani ona matou faatasitasi ma lo matou aiga atoa, pe tusa ma le 30 i le 40 tagata. A o ou laitiiti, sa ou tulimatai atu i le ato sa i ai fuamoa ma sukalati. Sa matua malie lava lena mea. Ae o aso nei, ua sili atu ona ou taulai atu i le uiga o le Eseta.

I le lotu, matou te talanoa soo ai e uiga i le Eseta. Ma i a’u suesuega o tusitusiga paia, ou te taulai atili atu ai i le mea na tupu i le Eseta. Ou te mafaufau ia Iesu Keriso ma mea na Ia faia mo i tatou, ma ou te lagonaina se sootaga malosi atu ma Ia.

O le mau e sili ona ou fiafia i ai o le 3 Nifae 15:9. O loo faapea mai, “Faauta, o A’u o le tulafono, ma le malamalama. Ia outou vaavaai mai ia te a’u, ma tumau e oo i le iuga, ma o le a outou ola ai; aua o ia o le e tumau e oo i le iuga o le a ou tuuina atu i ai le ola faavavau.”

Afai ou te taumafai pea e filifili le mea sa’o i lo’u olaga, e pei o loo ou faia i le taimi nei, e mafai ona ou toe foi atu ia te Ia ma maua le ola e faavavau.