Unsa man ang atong nahibaloan bahin ni Rebecca, ang asawa ni Isaac?

Rebekah at the Well [Rebecca diha sa Atabay], ni Michael Deas

Ania ang pipila ka butang nga atong nahibaloan bahin ni Rebecca:

Siya ulay ug maanyag kaayo. Tan-awa ang Genesis 24:16.

Buotan siya ug kugihan. Ang sulugoon ni Abraham mipanaw og layo aron mangita og usa ka babaye nga maminyoan sa anak ni Abraham nga si Isaac diha sa pakigsaad. Mihunong siya sa usa ka atabay ug nag-ampo nga ang babaye nga mokalos og tubig alang niya ug sa iyang 10 ka kamelyo mao ang usa nga gipili sa Dios nga maminyo ni Isaac. Si Rebecca mihimo niini. (Tan-awa sa Genesis 24:1–28.)

Siya adunay hugot nga pagtuo. Sa dihang gipangutana siya sa misunod nga adlaw kon mokuyog ba siya og pauli kauban sa sulugoon ni Abraham, miingon si Rebecca nga mokuyog siya. Siya adunay pagtuo sa Ginoo, nga migiya kaniya. (Tan-awa sa Genesis 24:50–58.) Usab, sa sobra 20 ka tuig nga walay anak, nagpabilin ang iyang paglaom sa iyang mga pakigsaad (tan-awa sa Genesis 25:20, 26).

Siya nakadawat og pagpadayag alang sa iyang pamilya. Sa dihang si Rebecca mimabdos og kaluha, ang Ginoo misulti kaniya, “Ang magulang mahimong sulugoon sa manghod” (Genesis 25:23). Sa wala madugay nakita niya kon sa unsang paagi nga ang magulang nga kaluha, si Esau, misalikway sa tambag sa Ginoo ug wala mohatag og bili sa iyang katungod sa pagkatawo ug kon sa unsang paagi nga ang manghod nga kaluha, si Jacob, nagmatinud-anon. Iyang gitabangan si Jacob nga makadawat sa panalangin sa katungod sa pagkatawo ug mipasidaan kaniya nga ang iyang igsoon [si Esau] gusto nga mopatay kaniya. (Tan-awa sa Genesis 27.)