Makadapit Ko sa Tanan

Paghulagway pinaagi ni Katelyn Budge

Makapahadlok nako ang mopakigbahin sa ebanghelyo sa akong mga higala apan makapalipay ug makapahinam usab. Matag tuig, maghimo kami og pagpangita sa itlog sa Pasko sa Pagkabanhaw nga gitago sa among balay. Among dapiton ang mga misyonaryo ug ang among mga higala nga dili mga miyembro sa Simbahan.

Kasagaran usab nako nga gidapit ang akong mga higala nga moadto sa simbahan o sa mga kalihokan sa mga batan-on. Usa lang ka higala ang mitambong sa kalihokan, ug wala pay bisan usa nga misimba. Apan padayon ko nga nagdapit nila aron sila mas mapaduol sa Dios ug makapuyo uban Niya pag-usab. Nakapalipay nako nga makaserbisyo sa uban pinaagi sa pagdapit nila nga moduol ngadto ni Kristo.

Si Jesukristo mao ang atong Manluluwas ug Manunubos, ang Kordero sa Dios ug ang Maayong Magbalantay. Nakahibalo ko nga kita makapuyo uban sa Dios pag-usab kon kita mosunod Kaniya.