“Unsaon nako nga mas magtutok ngadto sa Manluluwas atol sa panahon sa Pasko sa Pagkabanhaw?”

“Ako naghimo og paningkamot nga magtutok ngadto sa Manluluwas pinaagi sa pagpaminaw og makabayaw nga musika, mas maghunahuna pa gayod bahin Niya, magtan-aw ngadto Kaniya sa akong inadlaw nga kinabuhi, ug kanunayng mag-ampo. Ganahan usab ko nga mobasa sa mga kasulatan, sa pagkat-on bahin sa Iyang Pagkabanhaw ug sa paglaom nga gihatag niini kanako.”

Maxwell R., 16, Missouri, USA

“Pangita og mga kasulatan nga basahon og dungan isip pamilya matag adlaw o semana aron mopahinumdom ninyo niining mahinungdanong panahon sa kinabuhi sa Manluluwas. Pangita og mga oportunidad matag adlaw nga makaserbisyo sa uban sa Kristohanong mga paagi.”

Ahonima A., 15, Tongatapu, Tonga

“Ako mas makatutok ngadto ni Kristo pinaagi sa pagpakigbahin og usa ka butang bahin Kaniya diha sa online matag adlaw.”

Caleb F., 17, Arizona, USA

“Basaha ang mga kasulatan nga naglarawan sa Iyang kinabuhi, labi na ang kataposang semana sa wala pa ang Paglansang Niya sa Krus. Ang akong paboritong istorya mao ang Mateo 21–27. Ang pagbasa sa mga kasulatan nakatabang kanako nga mobati nga mas napaduol sa akong Manluluwas ug mas nasabtan ang Iyang Pag-ula.”

Grace M., 15, Alberta, Canada

“Ang Pasko sa Pagkabanhaw ug ang Pag-ula ni Jesukristo nagpahinumdom kanako sa bag-o nga mga sinugdanan ug bag-o nga mga pagsugod. Ang pag-update sa inadlaw-adlaw nakong mga tulumanon ug pagsusi og usab sa akong mga tumong naghatag kanako og kahigayonan nga ipunting pag-usab ang akong kinabuhi kang Kristo ug mas tinuyo nga mohinumdom Kaniya atol niining espesyal nga higayon sa tuig.”

Lilly H., 17, California, USA