Unsaon Nako sa Pagtabang ang Akong mga Higala ug Pamilya?

Isip nabanhaw nga nilalang, gibisita ni Jesukristo ang mga Nephita ug gidapit sila nga mobuhat og usa ka butang nga maghatag og sumbanan sa unsay atong mabuhat usab isip Iyang moderno nga mga disipulo. Miingon Siya:

“Aduna ba kamo dihay mga masakiton? … Aduna ba kamo dihay mga bakol, o mga buta, … o mga gitakboyan sa bisan unsa nga matang sa sakit? Dad-a sila ngari ug Ako moayo kanila, kay Ako naluoy kaninyo” (3 Nephi 17:7).

Bantayi kon giunsa pagtubag niining karaan nga mga disipulo.

“Ang tanang pundok sa katawhan … miduol kauban sa ilang mga masakiton … ug kauban sa tanan kanila nga gitakboyan sa bisan unsa nga matang sa sakit; ug miayo siya kanila” (3 Nephi 17:9).

Ako nasayod nga si Jesukristo buhi ug nga Siya mao gihapon ang malumo nga Tig-ayo. Samtang kita motubag sa Iyang pagdapit sa pagdala sa atong mga higala ug pamilya ngadto Kaniya, Siya moayo kanila sa Iyang kaugalingon nga pamaagi.

“Ug silang tanan, kadtong nangaayo ug kadtong mga himsog, miluhod sa iyang tiilan, ug misimba kaniya” (3 Nephi 17:10).

Moduol kita matag usa ngadto ni Kristo samtang atong dad-on ang uban ngadto Kaniya niining panahon sa Pasko sa Pagkabanhaw.