Fabio P.

Litrato pinaagi ni Ashlee Larsen

Sa Pasko sa Pagkabanhaw, kami kasagaran magpundok kauban sa among tibuok pamilya, mga 30 o 40 ka tawo. Sa dihang mas bata pa ko, mag-atang ko sa basket nga adunay mga itlog ug mga tsokolate. Ug lingaw kaayo kadto. Apan karong panahona, mas nakatutok ko sa kahulogan sa Pasko sa Pagkabanhaw.

Sa simbahan, kanunay kami nga maghisgot kabahin sa Pasko sa Pagkabanhaw. Ug sa akong pagtuon sa kasulatan, mas mitutok ko sa unsay nahitabo sa Pasko sa Pagkabanhaw. Naghunahuna ko kabahin ni Jesukristo ug kon unsay Iyang gibuhat alang nato, ug mibati ko og mas lig-on nga koneksiyon ngadto Kaniya.

Ang akong paborito nga kasulatan mao ang 3 Nephi 15:9. Kini nag-ingon, “Tan-awa, Ako ang balaod, ug ang kahayag. Tan-aw ngari kanako, ug lahutay hangtod sa kataposan, ug kamo mabuhi; kay siya nga molahutay hangtod sa kataposan ako mohatag og kinabuhi nga dayon.”

Kon padayon ko nga maningkamot nga mopili sa matarong diha sa akong kinabuhi, sama sa akong gibuhat karon, ako makabalik ngadto Kaniya ug makabaton og kinabuhing walay kataposan.