Ang Pagsaulog sa Manluluwas

Paghulagway pinaagi ni Katelyn Budge

Ganahan ko sa Pasko sa Pagkabanhaw. Ganahan ko nga magtapok isip usa ka pamilya para sa pagsaulog sa pagkabanhaw ni Jesukristo gikan sa pagkamatay. Malingaw kaayo ko nga mogahin og panahon uban sa akong pamilya, apan mas nindot pa gayod kaayo ang paghunahuna sa tanang butang nga gibuhat sa Manluluwas para kanato.

Sa dihang mangandam mi alang sa among pagpangita og itlog sa Pasko sa Pagkabanhaw, among ibutang ang mga kasulatan sulod sa mga itlog. Among basahon ang mga kasulatan kon makit-an namo kini atol sa pagpangita. Usa ka higayon, nagbuhat mi og gamay nga lubnganan. Dayon gisulat namo ang among tanang mga kabalaka, gibutang kini sa sulod sa lubnganan, ug gibutangan og bato ang atubangan niini. Pagkasunod adlaw, ang tanang mga papel gikuha—nagpahinumdom kanamo kon sa unsang paagi ang Manluluwas makatabang kanato sa atong mga kabalaka.

Si Jesukristo mao ang akong hingpit, Langitnong Higala. Nasayod ko nga bisan unsa pa man, kanunay Siyang makasabot kanako.