O le a se mea ua tatou iloa e uiga i leoleo mamoe i le uluai Kerisimasi?

Leoleo Mamoe, saunia e Brian Call

Ua tatou iloa ni nai mea e uiga i leoleo mamoe i le uluai Kerisimasi.

Sa latalata i latou i Peteleema. O leoleo mamoe sa “i le atunuu lava e tasi” lea na soifua mai ai Keriso (Luka 2:8). Ma sa mafai ona latou taunuu i Peteleema i le savavali a o i ai pea o Ia iina (tagai Luka 2:15–16).

Sa faia la latou tiute. O nei leoleo mamoe sa “nonofo ai ma leoleo po i lo latou lafu mamoe” (Luka 2:8). O i latou o ni leoleo mamoe lelei ma faamaoni, e pei o le Faaola—o le Leoleo Mamoe Lelei (tagai Ioane 10:11, 14).

Sa latou iloa valoaga e uiga i le Mesia. Sa latou iloa lelei lava le mea na talanoa i ai le agelu ina ua ia fofogaina mai le soifua mai o le “Alii ia o Keriso” (Luka 2:11), le Mesia sa valoia anamua.

Sa ia i latou le naunautai tele. Ina ua ta’u atu e le agelu ia i latou e uiga i le “pepe … o loo taoto i le fale povi” (Luka 2:12), sa latou “faataalise atu” e vaai ia te Ia (Luka 2:16).

Sa latou faasoa atu le tala fiafia. Sa latou “faailoa ai” mea sa latou faalogo i ai ma vaaia e faatatau i le savali a le agelu e uiga i le soifua mai o Keriso (Luka 2:17).

Sa latou faafetai ma viia le Atua. Ina ua mavae nei mea uma, sa latou “foi mai … o vivii ma faafetai i le Atua ona o mea uma na latou faalogo ai ma vaai i ai” (Luka 2:20).