Au Makoi—ma le Autalavou—Saili o Ia

O loo faamatala mai i tusitusiga paia le tala i le au makoi o e sa saili ma le naunautai i faailoga o le soifua mai o le Mesia (tagai Mataio 2:1–2). Ina ua latou iloaina le faailoga, sa latou mulimuli ma le filiga i lona malamalama ina ia latou “maua” o Ia. Na faapefea ona latou iloa lenei faailoga?

Atonu na faaaluina e le au makoi se taimi tele e aoao ai e uiga i valoaga ina ia latou iloa ai faailoga pe a latou o mai. Atonu sa latou sailia nei faailoga o le soifua mai o le Faaola mai lo latou talavou.

O lenei vaitau, a o tatou faalogo i valaaulia leotetele, faatosina lea e toso ese ai i tatou mai le faamanatuina moni o Lona soifua mai, tau ina ia tatou saili atu ma le naunautai ia te Ia. Tau ina ia tatou suesue i tusitusiga paia ma iloa Ana faailoga. Tau ina ia tatou iloa Ana galuega, Lana Togiola, Ana afioga, Lona filemu, ma Lona alofa. Ou te valaaulia outou ia saili atu ma le naunautai ia te Ia a o outou faitau i tusiga o i lenei lomiga ma, e pei o le au makoi o anamua, saili o Ia.