O le Maliliega i le Kerisimasi

O le Afiafi o le Kerisimasi 1914.

O le Taua Tele—lea na ta’ua mulimuli ane o le Taua Muamua a le Lalolagi—ua lima masina o faia pea.

I Peleseuma, sa tau ai e fitafita i itu faafeagai le taua mai ni ’autu uumi, ma vaapiapi i le eleele.

O le eria i le va o i latou sa ta’ua “E Le oi se Fanua a se Tagata.”

E faitau afe fitafita i itu uma e lua na maliliu i totonu o nei ’autu vaapiapi po o le E Le o se Fanua a se Tagata.

Ae i le Afiafi o le Kerisimasi, sa faalogo ai le autau a Peretania i le au Siamani o usuina pese o le Kerisimasi.

Sa amata foi ona pepese le au Peretania.

Sa latou pepese i gagana eseese, ae o pese e uiga i le soifua mai o lo tatou Faaola e faaleatulaulau.

O le agaga o le vaitau—o le savali o le filemu, alofa, ma le faamagaloga a Iesu Keriso—na amata ona maua ai fitafita i itu uma e lua.

O le toatele o i latou o ni alii Kerisiano talavou na faaaluina a latou uluai Kerisimasi o o ese mai aiga.

Sa tuu i lalo e fitafita a latou auupega ma fetolofi faaeteete mai fafo o o latou ’autu i le E Le o se Fanua a se Tagata.

E leai se tasi na fanaina se fana.

O nei alii talavou—ua na o ni “fili” ona o le atunuu sa latou o mai ai—na amata ona talanoa.

Sa latou faafesuiai meaalofa laiti e pei o lole ma suvania.

Sa latou kikiina solo se polo lakapi.

Sa latou faaaluina se taimi e tanu ai o latou tagata oti.

E le maalofia lava, sa tatau ona toe faaauau le taua.

Ae o le a manatua pea e le lalolagi le maliliega i le Kerisimasi.

Na faaalia ai o le faatuatua i le Faaola, o Iesu Keriso, e mafai ona aumaia ai le mea e tasi e mananao ai tagata uma:

Filemu.