O se Vaaiga Fou i le Tala o le Kerisimasi
E le gata ina tatou faamanatuina le soifua mai o Iesu Keriso—ae tatou te faamanatuina le Keriso toetu, ma soifua.
O Kerisimasi uma tatou te faalogo ma faasoa atu ai le tala i le soifua mai o Iesu Keriso. O se mea maoae lenei e fai! Ae o le soifua mai o Iesu Keriso e matuai tulagaese lava ona o le mea na Ia fanau mai e fai.
Na aoao mai Peresitene Gordon B. Hinckley (1910-2008), “O le a leai se Kerisimasi pe ana faapea e leai se Eseta. O le pepe o Iesu o Peteleema o le a pei o se isi lava pepe e aunoa ma le Keriso togiola o Ketesemane ma Kalevaria, ma le manumalo moni o le Toetu.”
I le mafaufau ai i lena mea, o se gaoioiga faigofie lenei e mafai ona e faia ma lou aiga, uo, korama, po o le vasega i lenei vaitau o le Kerisimasi.
Auala E Faatino Ai
E toalua le au faitau e feauauai i le faitauina o mau nei. E faitau e se tasi ia mau e uiga i le soifua mai o le Faaola i le koluma agavale, ae o le isi e faitauina mau e uiga i Lana Togiola ma le Toetu i le itu taumatau. Alu i tua ma luma seia oo ina e taunuu i le iuga.
|
O Le Soifua Mai o le Faaola |
O Le Togiola ma le Toetu o le Faaola |
|---|---|
|
Luka 2:4 |
Mareko 14:32 |
|
Luka 2:5 |
Mareko 14:33 |
|
Luka 2:6 |
Mareko 14:35 |
|
Luka 2:7 |
Mareko 14:36 |
|
Luka 2:8 |
Luka 22:44 |
|
Luka 2:9 |
Mareko 15:1 |
|
Luka 2:10 |
Mareko 15:12–13 |
|
Luka 2:11 |
Mareko 15:17–18 |
|
Luka 2:12 |
Mareko 15:19-20 |
|
Luka 2:13–14 |
Luka 23:33–34 |
|
Luka 2:16–17 |
Ioane 20:1 |
|
Mataio 2:1–2 |
Ioane 20:15–16 |
|
Mataio 2:11 |
Ioane 20:17 |
Nisi Mea e Mafaufau i Ai
A o e faitau e uiga i le soifua mai o Iesu Keriso, Togiola, ma le Toetu, pe sa i ai nisi mau na oo mai i lou mafaufau? E mafai ona e mafaufau i nisi mai le Tusi a Mamona po o le Mataupu Faavae ma Feagaiga? Mafaufau e faaopoopo i lenei lisi ma faasoa atu.
Faaalu se taimi e mafaufau loloto ai i le uiga ia te oe o le soifua mai, soifuaga, aoaoga, ma le Togiola a Iesu Keriso. A o e faia, e mafai e le Agaga Paia ona molimau mai o Iesu Keriso na soifua mai mo oe ma sa soifua o Ia, “Sa puapuagatia o Ia, sa maligi Lona toto ma maliu” mo oe aua na auina mai o Ia e le Tama Faalelagi. E alolofa i La’ua ia te oe. Ma o loo soifua o Ia i le asō e aumai le filemu, faamoemoe, ma le olioli ia te oe.