“Ou te le o lagonaina le tali mai e tusitusiga paia o a’u tatalo. E mafai faapefea ona ou faaogaina na mea ia te au?”

“A o faitau, e tatau ona tatou fesili ifo ia i tatou lava i fesili faapenei: Aisea ua latou fai mai ai lenei mea? O afea ma pe mafai faapefea foi ona ou faia lenei mea? E mafai faapefea ona ou faaleleia atili le avea ai e faapei foi o lenei mea?”

Ceci B., 19, São Paulo, Pasila

“O le faatatauga o faafitauli i tusitusiga paia i faafitauli tatou te oo i ai i aso e gata ai e mafai ona fesoasoani e te faaaoga ai tusitusiga paia i lou olaga. O le faatusatusaina o tulaga na oo i ai perofeta i lou lava olaga, o le a e iloa ai e eseese tulaga ae e tutusa lava lesona.”

Jack L., 18, Misuri, ISA

“Faalogo i le Agaga, ma ia tatala lou mafaufau ma lou loto i uunaiga. O nisi taimi o mea e finagalo le Agaga Paia e te aoaoina e le o le mea tonu lea o loo e faitauina.”

Lincoln R., 17, Uosigitone, ISA

“Ou te tuuina lo’u igoa i tusitusiga paia taitasi, e pei o loo fetalai sa’o mai le Alii po o perofeta ia te a’u. Ona ou tatalo lea ma le faamaoni. E aoga!”

Dieuveille O., 15 tausaga, Ripapelika o Congo

“O savali i le Tusi a Mamona e le mo na o tagata o lena taimi—e taua foi mo i tatou i aso nei. Soo se taimi lava ou te manao ai e faaaoga se mea sa ou aoaoina mai tusitusiga paia, ou te tatalo ina ia mafai ona ou taulai atu ma galue i ai i le aso atoa.”

Ari I., 14, Iuta, ISA

“O nisi taimi tatou te manaomia ai se vaaiga fou e sue ai tali. Sa faigata ona ou vaai i tusitusiga paia o se tali i a’u tatalo, ae ou te maua le tele o a’u tali i lauga o le konafesi aoao e masani lava ona sii mai ai mau, ma latou te fesoasoani e maua ai le tele o tali iina.”

Xaeli S., 16, Maryland, ISA