Mana o le Tatalo

Ata na tusia e Katelyn Budge

Ou te fiafia e tatalo. Ou te tatalo mo lo’u tina e fesoasoani ia te ia ia maua ana mea na leiloloa. Ou te tatalo mo lo’u uso pe a i ai sana suega o loma. Ou te tatalo foi i le aoga ma i le taimi o malologa, aua o le tatalo e fesoasoani ou te faia ai ni filifiliga sili atu.

E mafai ona fai si ou lotomaaa, ma ou te tatalo mo se fesoasoani e faatoilalo ai foi lena mea. O nisi taimi ma te finau ai ma lo’u uso matua, ma ou te manaomia le fesoasoani a le Tama Faalelagi e fai atu ai faamalie atu ma faamagalo o ia. I se tasi taimi, ou te lei manao e fai le numera i le aoga. Sa ou ole atu i le Tama Faalelagi mo se fesoasoani, ma sa mafai ona ou faatoilaloina lo’u lotomaaa ma faia le numera.

Ou te taumafai malosi lava ia usiusitai ma fai le mea e finagalo le Tama Faalelagi ou te faia, e tusa lava pe faigata. Ou te iloa e fesoasoani mai o Ia pe a ou tatalo.