Sau, Mulimuli Mai ia te A’u
Mataupu Faavae ma Feagaiga 137–138; Mataupu Faavae o le Faatuatua
O OaNatia
Ua faaali mai e le Mataupu Faavae ma Feagaiga ia i tatou e faaauau pea ona oo mai faaaliga.
Ua Tatou Iloa Mea e Lei Iloa e o Tatou Tuaa—ma E Tele Isi Mea o le a Oo Mai
Mataupu Faavae ma Feagaiga 137–138; Mataupu Faavae o le Faatuatua
O se faamafanafanaga le iloa o i latou o e na maliliu e aunoa ma le talalelei o e semanu latou te taliaina pe ana faapea latou te maua le avanoa o le a avea ma suli o le malo selesitila (tagai Mataupu Faavae ma Feagaiga 137:7).
Ma o fanau e maliliu ae le’i aulia le valu tausaga e faaolaina i le malo selesitila (tagai i le Mataupu Faavae ma Feagaiga 137:10).
Ma e talai atu le talalelei i agaga o i latou o e na maliliu e aunoa ma lena mea ina ia mafai foi ona liua i latou (tagai i le Mataupu Faavae ma Feagaiga 138:29–32).
O le toatele o tagata o Le Ekalesia a Iesu Keriso o le Au Paia o Aso e Gata Ai e iloaina nei aoaoga faavae. Tatou te maua ai le faamautinoaga. Tatou te mafaufau i ai e taua.
Ae ma te lei iloaina lava seia oo i se taimi lata mai!
Sa mauaina e le Perofeta o Iosefa Samita le Mataupu Faavae ma Feagaiga 137 i le 1836. Sa mauaina e le atalii o lona uso o Iosefa F. Samita (Peresitene o le Ekalesia mai le 1901 i le 1918) le vaega 138 i le 1918. Toeitiiti atoa le selau tausaga talu ai!
O le Tusi Paia ma le Tusi a Mamona o loo faailo mai ai nisi o nei mea. Mo se faataitaiga, sa ta’ua faapuupuu e Peteru le asiasiga a le Faaola i le lalolagi o agaga (tagai 1 Peteru 3:18–20; 4:6).
Ae o nei upumoni faamafanafana sa lei sipelaina auiliili seia oo mai i ona po nei.
Na tusia mulimuli ane e le Perofeta o Iosefa Samita i Mataupu Faavae o le Faatuatua o le a “faaali mai e le Alii le tele o mea silisili ma le taua e faatatau i le Malo o le Atua” (Mataupu Faavae o le Faatuatua 1:9). O le faaaliga a lona tei i le tele o tausaga mulimuli ane o se faamaoniga o lena mea.
Ae o loo i ai pea nisi mea e oo mai! Na aoao mai Peresitene Nelson: “I aso a sau, o le a tatou vaai ai i se faaaliga silisili o le mana o le Faaola e le’i vaai muamua lava i ai le lalolagi.”
Mafaufau i ai. E lei mae’a lava le faaalia mai o faaaliga e le Tama Faalelagi! O loo i ai pea ni isi mea e ta’u mai ia i tatou—e le o auiliiliga laiti, a o “mea silisili ma le taua.”
E tatau ona tatou faafetai mo mea ua tatou iloa ae e lei iloa e o tatou augatama—ma ia saunia e talia mea fou o le a oo mai pea.