Ata na pueina e Ashlee Larsen

E faigata le avea ma se tagata O Le Ekalesia a Iesu Keriso o le Au Paia o Aso e Gata Ai iinei i Nouei aua e toalaiti lava tagata o le ekalesia. E toatele tagata e le fiafia i lotu. O nisi ua i ai le manatu faapea afai e i ai ni au tupe, e te le manaomia le faatuatua. E toatele a’u uo o e na amata ona inupia pe faaaoga fualaau faasaina a o talavou. Ioe, o lena mea, ou te lagona ai le ese mai isi. Ae na afio mai le Alo o le Atua i le lalolagi e fesoasoani ia i tatou ma faaali mai ia i tatou se ala e mulimuli ai.

O Iesu Keriso o se faataitaiga mo i tatou, ma e tatau ona avea i tatou ma ataata o Ia, ma fai mea semanu Na te faia. Ou te taumafai e fesoasoani i tagata i le tele ou te mafaia. Ou te taumafai i taimi uma ia lagona e tagata le taliaina, aemaise lava i le Ekalesia. Ou te taumafai e faaaofia tagata uma. Ma ua ou vaai ua faamanuiaina pea a’u e le Tama Faalelagi ma Iesu Keriso.

Ou te galue i se faatoaga. Ou te moaina le vao, fesoasoani i povi, fausia pa, ave palau, vele vao, ma fesoasoani i le seleselega. I le tautotogo, matou te teuina laau ma toto fatu. I le taumalulu, matou te taina laau mo fafie.

Pe a ou faia se mea fou, ou te le fia faia se mea sese. O le taimi muamua lava na ou oso ai i se palau, sa ou tau fefe e ave ona o le tele naua o mea e mafai ona sese. Sa ou tietie atu i luga o pateta, ma tuu le eleele i luga o laau pateta ina ia le lanumeamata ma mama’i pateta. Ae o le aveina i luga o pateta o se auala faigofie foi lea e pepe ai i latou—e pei o loo e soliina luga o pateta pe sua i luga. Ae ou te lei amataina, sa ou faia se tatalo le leoa, ma sa lelei lava.

O le tausaga muamua sa ou galue ai i le faatoaga, sa ou faamasani pea i tagata uma. Matou te aai i taimi uma i le aiga o le aoauli faatasi ma le tina ma le tama o lo’u pule. Na te faia meaai uma ma o mai tagata uma ma aai, ma latou te auauna atu foi i le kofe. Sa la fesili mai ia te au, "E te manao i le kofe?" Sa ou fai atu, "Leai," ma sa la fesili, "Aisea e leai ai?" Sa ou fai atu, "Ia, aua, i la’u Ekalesia, matou te le inu kofe." Ona amata lea ona la pei e eliina ma fesili mai ia te au e uiga i ai. La te lei faalogo e uiga i le Ekalesia. Ona ou maua lea o le avanoa e ta’u atu ai ia i laua mea ou te talitonu i ai. Sa pei o se taimi taufaafefe! Ae sa latou faaaloalo atili ia te au, ou te manatu, ina ua mavae lena.