Mauaina o le Olioli i le Auauna Atu

Ata na tusia e Katelyn Budge

I se tasi o Tesema, sa ou fautua atu ai i lo’u aiga o loo i ai sa matou gaoioiga agaalofa mo le Kerisimasi. Ou te iloa a leai sou fale, e le faigofie ona maua ni tupe po o ni meaai, ma sa ou lagona le faanoanoa ona o le a le maua e nisi tagata le aafiaga o le Kerisimasi.

Sa ao mai e lo’u aiga ni meaai ma meataalo ma tuuina atu i tagata sa manaomia le fesoasoani. Sa ou fiafia aua ou te lei faia muamua se mea faapena. Sa matuai loto faafetai tagata, ma sa ou lagona le faamalieina ona sa ou alofa ia i latou i se auala mataalia ma latou lagona ai le amana’ia. Sa ou lagona le faatupulaia o le sootaga i le Faaola aua o Ia o se tagata agalelei ma agaalofa. O le faaalia o Ona uiga lelei na faamalosia ai la’u sootaga ma Ia.

Ou te manatu o le auauna atu e faatatau i le nofouta i tagata o siomia oe. E faatatau i le vaaia o mea e mafai ona e faia, e tusa lava pe itiiti, e faia ai se eseesega i le olaga o se tasi.