សម័យប្រជុំរសៀលថ្ងៃអាទិត្យ
ការលើកដាក់ព្រះនាមនៃព្រះយេស៊ូវគ្រីស្ទ
សេចក្តីដកស្រង់
នីហ្សេរីយ៉ា
យើងអាចមើលឃើញភាពស្របគ្នាយ៉ាងហោចណាស់ប្រាំ ទៅនឹងដំណើរការដែលយើងលើកដាក់មកលើខ្លួនរបស់យើងនូវព្រះនាមរបស់ព្រះយេស៊ូវគ្រីស្ទ ។
ភាពស្របគ្នាដំបូងគឺការកំណត់អត្តសញ្ញាណ ។ … នៅពេលយើងលើកដាក់មកលើខ្លួនរបស់យើងនូវព្រះនាមរបស់ព្រះយេស៊ូវគ្រីស្ទ នោះយើងភ្ជាប់ឈ្មោះយើងទៅនឹងព្រះនាមរបស់ទ្រង់ ។ យើងកំណត់អត្តសញ្ញាណយើងតាមទ្រង់ ។ …
ទាក់ទងយ៉ាងជិតស្និទ្ធទៅនឹងការកំណត់អត្តសញ្ញាណគឺភាពស្របគ្នាមួយទៀត—គឺការចងចាំ ។ … សម្រាប់ពួកយើង ការទទួលទានសាក្រាម៉ង់ជារៀងរាល់សប្តាហ៍ ជួយយើងឲ្យចងចាំព្រះយេស៊ូវគ្រីស្ទពេញមួយសប្តាហ៍ ។ …
… សូម្បីពេលយើងជាប់រវល់នឹងកិច្ចការផ្សេងទៀតក្ដី ក៏យើងនៅតែនឹកចាំដល់ទ្រង់ គឺដូចជាយើងចាំឈ្មោះខ្លួនឯង មិនថាយើងផ្ដោតលើអ្វីផ្សេងនោះទេ ។
លទ្ធផលដ៏ធំនៃការចងចាំអ្វីដែលព្រះអង្គសង្គ្រោះបានធ្វើសម្រាប់យើង គឺជាភាពស្របគ្នាទីបី—ការធ្វើត្រាប់តាម ។ … សម្រាប់ពួកយើង កាលណាយើងកាន់តែកំណត់អត្តសញ្ញាណយើងតាមព្រះយេស៊ូវគ្រីស្ទ និងចងចាំទ្រង់ នោះយើងកាន់តែចង់ក្លាយដូចជាទ្រង់ ។ …
ការធ្វើត្រាប់តាមព្រះយេស៊ូវគ្រីស្ទនាំយើងទៅរកភាពស្របគ្នាទីបួន—ការតម្រឹមតាមព្រះរាជបំណងរបស់ទ្រង់ ។ យើងចូលរួមជាមួយនឹងទ្រង់នៅក្នុងកិច្ចការរបស់ទ្រង់ ។ …
… ការធ្វើរឿងទាំងបួននេះនាំយើងទៅរកភាពស្របគ្នាទីប្រាំ—ការពង្រឹងអំណាច ។ យើងទទួលបានព្រះចេស្ដា និងពរជ័យរបស់ព្រះនៅក្នុងជីវិតរបស់យើង ។ …
នៅពេលយើងចុះសេចក្ដីសញ្ញាបន្ថែមជាមួយនឹងព្រះ យើងលើកដាក់មកលើខ្លួនរបស់យើងនូវព្រះនាមរបស់ព្រះយេស៊ូវគ្រីស្ទកាន់តែពេញលេញជាងមុន ។ ជាលទ្ធផល ព្រះប្រទានពរឲ្យយើងមានព្រះចេស្ដារបស់ទ្រង់កាន់តែច្រើន ។ …
… សូមចូលមកឯព្រះវរបិតាសួគ៌របស់យើង ។ សូមលើកដាក់មកលើខ្លួនរបស់បងប្អូននូវព្រះនាមនៃព្រះយេស៊ូវគ្រីស្ទ ។ បងប្អូននឹងក្លាយជាអ្នកគ្រងមរតកដ៏តម្កើងឡើងនៅក្នុងនគររបស់ព្រះវរបិតារបស់យើងនៅស្ថានសួគ៌ ជាអ្នកគ្រងមរតកជាមួយនឹងព្រះរាជបុត្រាច្បងរបស់ទ្រង់ គឺព្រះអង្គសង្គ្រោះ និងព្រះប្រោសលោះជាទីស្រឡាញ់របស់យើង ។