សម័យប្រជុំពេលព្រឹកថ្ងៃអាទិត្យ
ព្យាការីរបស់ព្រះ
សេចក្តីដកស្រង់
ហ្គាណា
ព្រះអម្ចាស់បានថ្លែងទីបន្ទាល់ទៅកាន់ស្ត្រីនៃក្រុងស៊ូណែម ថាអេលីសេគឺជាព្យាការីរបស់ព្រះ ហើយនាងបានធ្វើតាមដោយការបើកទ្វារផ្ទះទទួលលោក ។
យើងក៏អាចទទួល ទីបន្ទាល់ផ្ទាល់ខ្លួនអំពីពួកព្យាការីរបស់ព្រះសព្វថ្ងៃនេះ ផងដែរ ហើយបើកដួងចិត្ត និងគំនិតរបស់យើង—ផ្ទះរបស់យើង—ដើម្បីទទួលសារលិខិតដែលព្រះវរបិតាសួគ៌មានសម្រាប់យើងនៅក្នុងថ្ងៃចុងក្រោយនេះ ។ …
តើព្យាការីគឺជាអ្វី ? ព្យាការីគឺជាបុរសម្នាក់ដែលព្រះបានហៅឲ្យថ្លែងជំនួសទ្រង់ ។ …
ព្យាការីគឺជាអ្នកមើលឆុត និងអ្នកទទួលវិវរណៈ ។ នោះមានន័យថា ពួកលោកអាចមើលឃើញនូវអ្វីដែលអ្នកដទៃមើលមិនឃើញ ហើយពួកលោកអាចព្យាករអំពីព្រឹត្តិការណ៍នាពេលអនាគត ។ … ព្យាការីទទួលបទបញ្ញត្តិ និងវិវរណៈទាំងឡាយមកពីព្រះអម្ចាស់ ។ …
ពួកព្យាការីក៏ប្រកាសដំណឹងល្អ ហើយបំផុសគំនិតដល់គ្រូបង្រៀន និងសារទូតរបស់ព្រះអម្ចាស់ទៅកាន់មនុស្សគ្រប់រូបនៅលើផែនដីផងដែរ ។ …
ព្យាការីថ្លែងទីបន្ទាល់អំពីព្រះគ្រីស្ទ—ថ្លែងអំពីការមានព្រះជន្ម ការបម្រើ និងភាពជាព្រះរបស់ទ្រង់ ។ …
ស្រ្តីនៃក្រុងស៊ូណែមបានបង្រៀនថា យើងអាចមានទីបន្ទាល់តាមរយៈព្រះវិញ្ញាណបរិសុទ្ធ ។ ខ្ញុំសន្យានឹងបងប្អូនថា នៅពេលយើងដឹង ថាពួកលោកជាមនុស្សដែលព្រះបានតែងតាំង នោះជីវិតរបស់យើងនឹងកាន់តែមានភាពងាយស្រួល ទោះជាមានបញ្ហាជាច្រើនជាបន្ដបន្ទាប់ក្ដី នៅពេលយើងគោរពតាមសំឡេងរបស់ពួកលោកដោយការទុកចិត្ត ជំនឿ និងក្ដីសង្ឃឹម ។ ការ ស្ដាប់ និងគោរពតាម សំឡេងរបស់ព្យាការី គឺសំខាន់ដើម្បី ក្ដាប់ជាប់នូវគ្រប់ទាំងអ្វីៗដែលល្អ រហូតដល់ការយាងមកជាលើកទីពីររបស់ព្រះអង្គសង្គ្រោះរបស់យើង ។ …
ខ្ញុំមានអំណរគុណចំពោះការដឹកនាំ និងកិច្ចខិតខំប្រកបដោយការថ្វាយរបស់ពួកព្យាការីនៅរស់ ។ … គឺតែងតែជាព្រះអម្ចាស់ដែលជ្រើសរើសពួកអ្នកបម្រើរបស់ទ្រង់ ។