សម័យប្រជុំពេលព្រឹកថ្ងៃអាទិត្យ
តែឥឡូវនេះខ្ញុំមើលឃើញ
សេចក្តីដកស្រង់
ស្កុតឡង់
ជំពូកទីប្រាំបួននៃគម្ពីរយ៉ូហាន កត់ត្រាបទពិសោធន៍របស់ព្រះយេស៊ូវ និងសិស្សរបស់ទ្រង់ដែលបានដើរកាត់អ្នកសុំទានម្នាក់ ពិការភ្នែកពីកំណើត ។ …
ព្រះយេស៊ូវបានផ្តល់នូវអត្ថន័យទីមួយនៃស្ថានភាពនេះ ដោយការប្រាប់ដល់ពួកសិស្សរបស់ទ្រង់ថា គ្រប់ការណ៍នេះកើតឡើង « គឺដើម្បីឲ្យការណ៍របស់ព្រះបានសម្ដែងមកក្នុងខ្លួនគាត់វិញ » ។ …
សេចក្ដីពិតមួយទៀតដែលជាក់ស្តែងនៅទីនេះ គឺឧបករណ៍ដែលអង្គបង្កបង្កើតស្ថានសួគ៌និងផែនដី និងអ្វីទាំងអស់ក្នុងផែនដី ត្រូវបានប្រើដើម្បីផ្តល់នូវអព្ភូតហេតុនេះ ៖ ទឹកមាត់ដែលស្តោះលើដីមួយក្ដាប់ ! គ្រឿងផ្សំដែលមិនទំនងទាំងនេះប្រកាសថា ព្រះអាចប្រទានពរដល់យើង តាមវិធីសាស្រ្តណាក៏ដោយដែលទ្រង់ជ្រើសរើសប្រើ ។ …
ចុះបើចម្លើយចំពោះការអធិស្ឋានរបស់យើងមកតាមរបៀបសាមញ្ញ ឬមិនចំវិញនោះ ? តើយើងមានឆន្ទៈតស៊ូព្យាយាមរស់នៅតាមដំណឹងល្អរបស់ព្រះគ្រីស្ទដែរទេ ទោះវាត្រូវការទឹកមាត់ និងភក់ច្រើនប៉ុនណាក៏ដោយ ? …
ការជួបភស្ដុតាងជាក់ស្ដែងនៃសេចក្ដីពិតដែលបានបំភ្លឺភ្នែក និងប្រទានជីវិតដល់ខ្ញុំជាលើកដំបូង មិនបានកើតឡើងដោយភក់លាបភ្នែក ឬនៅក្នុងស្រះស៊ីឡោមនោះទេ ។ អត់ទេ ឧបករណ៍នៃសេចក្ដីពិតដែលនាំឲ្យមានការព្យាបាលពីព្រះអម្ចាស់ដល់រូបខ្ញុំ បានកើតមានដោយសារទំព័រនៅក្នុងព្រះគម្ពីរគឺព្រះគម្ពីរមរមន ៖ សក្ខីបទមួយទៀតអំពីព្រះយេស៊ូវគ្រីស្ទ ! …
… ទោះយ៉ាងណា ឥទ្ធិពលនៃព្រះគម្ពីរមរមនពេញដោយអព្ភូតហេតុនៅក្នុងជីវិតរបស់ខ្ញុំ គឺដូចជាការយកទឹកមាត់ និងភក់មកលាបភ្នែករបស់បុរសខ្វាក់នោះដែរ ។ សម្រាប់ខ្ញុំ វាជាដំបងដែកសុវត្ថិភាពសម្រាប់ព្រលឹងខ្ញុំ ជាពន្លឺនៃវិវរណៈដ៏វិសេសវិសាល និងជ្រៀតចូល ដូចជាបំភ្លឺផ្លូវដែលខ្ញុំត្រូវដើរ នៅពេលមានអ័ព្ទនៃភាពងងឹតមកដល់ ។ ហើយពិតណាស់ភាពងងឹតនោះគឺពិតជាមានមែន ។