សម័យប្រជុំល្ងាចថ្ងៃសៅរ៍
ការលើកទឹកចិត្តគ្នាទៅវិញទៅមក
សេចក្តីដកស្រង់
អេក្វាទ័រ
នូវែលសេឡង់
យើង ត្រូវការ គ្នាទៅវិញទៅមក ។ កម្លាំងដ៏ទេវភាពបានមកពីភាពសាមគ្គីគ្នា ហើយវាជាមូលហេតុដែលសាតាំងមានបំណងបំបែកយើង ។
ជាអកុសល សម្រាប់ពួកយើងមួយចំនួន ការមកព្រះវិហារគឺជាការលំបាកនៅពេលខ្លះសម្រាប់ហេតុផលផ្សេងៗគ្នាជាច្រើន ។ …
បទពិសោធន៍នៅព្រះវិហាររបស់យើង គឺក្នុងគោលបំណងដើម្បីបង្កើតទំនាក់ទំនងយ៉ាងជិតស្និទ្ធជាមួយព្រះអម្ចាស់ និងជាមួយគ្នាទៅវិញទៅមក ដែលចាំបាច់ដល់សុខុមាលភាពខាងរាងកាយ ខាងសតិអារម្មណ៍ និងខាងវិញ្ញាណរបស់យើងយ៉ាងខ្លាំង ។ …
សេចក្តីស្រឡាញ់ និងការថែទាំដូចព្រះគ្រីស្ទគឺខ្ពស់ជាង និងបរិសុទ្ធជាង ។ …
… យើង ទាំងអស់គ្នា គឺជាផ្នែកមួយនៃគ្រួសាររបស់ព្រះ ហើយទ្រង់ស្រឡាញ់បុត្រាបុត្រីទ្រង់ ទាំងអស់ ។ ទ្រង់មានព្រះទ័យចង់ឲ្យបុត្រាបុត្រីរបស់ទ្រង់ស្រឡាញ់ ទ្រង់ ហើយស្រឡាញ់គ្នាទៅវិញទៅមក ផងដែរ ។
ព្រះជន្មរបស់ព្រះអង្គសង្គ្រោះគឺជាគំរូមួយនៃការស្រឡាញ់ ការប្រមូលផ្តុំ និងការលើកស្ទួយគ្នា សូម្បីតែពួកអ្នកដែលសង្គមបានវិនិច្ឆ័យថាជាមនុស្សដែលខ្ចាត់ព្រាត់ និងមិនស្អាតស្អំក្ដី ។ ព្រះជន្មរបស់ទ្រង់គឺជាគំរូមួយដែលយើងត្រូវបានបញ្ជាឲ្យធ្វើតាម ។ …
នឹងមានពេលខ្លះនៅក្នុងជីវិតយើងម្នាក់ៗ នៅពេលដែលយើងនឹងក្លាយជាអ្នកដែលត្រូវការជំនួយ និងការលើកទឹកចិត្ត ។ ចូរយើងប្តេជ្ញាចិត្តឥឡូវនេះដើម្បីធ្វើដូច្នោះសម្រាប់គ្នាទៅវិញទៅមក ជានិច្ច ។ …
ចំពោះបងប្អូនម្នាក់ៗដែលអាចមានអារម្មណ៍ថា បងប្អូនរត់យ៉ាងយឺតនៅក្រោយគេនៅក្នុងការរត់ប្រណាំងនៃជីវិតនេះ សូមបន្តដំណើរទៅមុខទៀតក្នុងដំណើរនៃជីវិតរមែងស្លាប់នេះ ។ មានតែព្រះអង្គសង្គ្រោះប៉ុណ្ណោះដែលអាចវិនិច្ឆ័យបានពេញលេញថាបងប្អូនគួរនៅត្រង់ចំណុចណា ហើយទ្រង់មានព្រះទ័យមេត្តា និងយុត្តិធម៌ ។ …
ចូរផ្ដោតលើព្រះអង្គសង្គ្រោះ ។ ទ្រង់ គឺជាដំបងដែករបស់បងប្អូន ។ សូមកុំលែងដៃចេញពីទ្រង់ឡើយ ។ ខ្ញុំសូមធ្វើទីបន្ទាល់ថា ទ្រង់មានព្រះជន្មរស់នៅ ហើយថាបងប្អូន អាច ទុកចិត្តលើទ្រង់បាន ។ ខ្ញុំក៏ធ្វើទីបន្ទាល់ផងដែរថា ទ្រង់កំពុងលើកទឹកចិត្តសាទរដល់បងប្អូន ។