សម័យប្រជុំពេលព្រឹកថ្ងៃអាទិត្យ
បានបង្ហាញ និងពង្រឹងនៅក្នុងព្រះគ្រីស្ទ
សេចក្តីដកស្រង់
ប៉េរូ
កាលយូរមកហើយ ខ្ញុំបានព្យាយាមរៀនរូបវិទ្យា និងគណិតវិទ្យាកាលជំនាន់ខ្ញុំរៀននៅមហាវិទ្យាល័យ ។ ខ្ញុំបានមានអារម្មណ៍សន្ធប់ ។ … ខ្ញុំចាប់ផ្តើមគិតចង់បោះបង់វាចោល ទៅធ្វើអ្វីមួយដែលងាយស្រួលជាង ។
ខ្ញុំមានអារម្មណ៍ថាទន់ខ្សោយ ។ ពេលខ្ញុំអធិស្ឋាន ខ្ញុំទទួលអារម្មណ៍នូវការធានាដ៏ស្ងប់ស្ងាត់ពីព្រះអម្ចាស់ ។ ខ្ញុំមានអារម្មណ៍ថា ទ្រង់មានបន្ទូលមកក្នុងគំនិតខ្ញុំ « យើងសាកល្បងបុត្រ តែយើងក៏គង់នៅជាមួយបុត្រដែរ » ។ …
ខ្ញុំបានរៀនថា ការពុះពាររបស់ខ្ញុំជាមួយរូបវិទ្យា តាមពិតទៅគឺជាអំណោយទានមកពីព្រះអម្ចាស់ទេតើ ។ ទ្រង់បង្រៀនខ្ញុំថា ដោយមានជំនួយរបស់ទ្រង់ ខ្ញុំអាចធ្វើអ្វីៗដែលមើលទៅហាក់ដូចជាមិនអាចទៅរួច បើខ្ញុំមានសេចក្ដីជំនឿថា ទ្រង់នឹងគង់នៅទីនោះដើម្បីជួយខ្ញុំ ។ តាមរយៈអំណោយទាននេះ ព្រះអម្ចាស់បានធ្វើការដើម្បីសាកល្បង និងពង្រឹងខ្ញុំ ។
… ការសាកល្បងដែកថែបមួយបំណែក គឺត្រូវដាក់វានៅក្រោមការប្រទាញប្រទង់ ។ … ដែកថែបមិនបានចុះខ្សោយដោយសារការសាកល្បងនោះទេ ។ តាមពិតទៅ វាក្លាយជាអ្វីមួយដែលអាចទុកចិត្តបាន ជាអ្វីមួយដែលខ្លាំងគ្រប់គ្រាន់ដើម្បីទទួលបន្ទុកកាន់តែខ្លាំងជាងមុន ។ …
នៅពេលយើងបន្តមានសេចក្ដីជំនឿលើព្រះយេស៊ូវគ្រីស្ទ—ទោះជាពេលអ្វីៗអាចមើលទៅមិនអាចទៅរួចសម្រាប់យើងនៅពេលនោះក៏ដោយ—យើងអាចបានកាន់តែរឹងមាំឡើងខាងវិញ្ញាណ ។ …
ដោយសារតែដង្វាយធួនដ៏រុងរឿងរបស់ទ្រង់ នោះព្រះយេស៊ូវគ្រីស្ទអាចពង្រឹងយើងបាន នៅគ្រាដែលយើងជួបនឹងការសាកល្បង ។ …
… វាអាចមកដោយស្ងាត់ៗ តាមរយៈការសាកល្បងក្នុងជីវិតគ្រួសារ ។ វាអាចមកតាមរយៈជំងឺ ឬការខកចិត្ត ឬការកើតទុក្ខ ឬភាពឯកោ ។
ខ្ញុំធ្វើជាសាក្សីថា គ្រាទាំងនេះមិនមែនជាភស្តុតាងថា ព្រះអម្ចាស់បោះបង់ចោលបងប្អូននោះទេ ។ ផ្ទុយទៅវិញ វាជាភស្តុតាងថា ទ្រង់ស្រឡាញ់បងប្អូនល្មមគ្រប់គ្រាន់ ដើម្បីបន្សុទ្ធ និងពង្រឹងបងប្អូន ។ ទ្រង់កំពុងធ្វើឲ្យបងប្អូនរឹងមាំល្មមគ្រប់គ្រាន់ដើម្បីរែកទម្ងន់ជីវិតដ៏អស់កល្បជានិច្ចបាន ។