សម័យប្រជុំពេលព្រឹកថ្ងៃអាទិត្យ
មើលទៅព្រះ ហើយរស់នៅ
សេចក្តីដកស្រង់
កាលីហ្វ័រញ៉ា
បូលីវី
មជ្ឈមណ្ឌលសន្និសីទ ស.រ.អា.
ម៉ាដាហ្គាស្កា
ពិតណាស់ ដំបូន្មាន « មើលទៅព្រះ ហើយរស់នៅ » មានអត្ថន័យចំពោះយើងមិនត្រឹមតែនៅក្នុងភាពអស់កល្បជានិច្ចប៉ុណ្ណោះទេ ប៉ុន្តែវាក៏ធ្វើឲ្យមានភាពផ្លាស់ប្តូរនៅក្នុងបុគ្គលិកលក្ខណៈ និងគុណតម្លៃនៃជីវិតរមែងស្លាប់របស់យើងផងដែរ ។ …
គ្មានការសន្យាណាមួយដែលត្រូវបានធ្វើឡើងម្តងហើយម្ដងទៀតជាញឹកញាប់នៅក្នុងព្រះគម្ពីរមរមនជាងនេះទេ ៖ « ដរាបណាអ្នករាល់គ្នាកាន់តាមបញ្ញត្តិទាំងឡាយរបស់យើង នោះអ្នករាល់គ្នានឹងបានចម្រើនឡើងនៅលើដែនដី ប៉ុន្តែបើដរាបណាអ្នករាល់គ្នាមិនកាន់តាមបញ្ញត្តិទាំងឡាយរបស់យើងទេ នោះអ្នករាល់គ្នានឹងត្រូវកាត់ចេញពីវត្តមានរបស់យើង » ។ … « បានចម្រើនឡើង » មានន័យថារីករាយនឹងការណែនាំ និងពរជ័យនៃស្ថានសួគ៌នៅក្នុងជីវិតរបស់ពួកគេ ។ … « បានចម្រើនឡើង » បានរួមបញ្ចូលទាំងសមត្ថភាពដើម្បីយកឈ្នះលើភាពលំបាក និងឧបសគ្គ ។ …
… បទបញ្ញត្តិ និងការទូន្មានរបស់ព្រះត្រូវបានរកឃើញនៅក្នុងបទគម្ពីរ និងប្រសាសន៍របស់ពួកអ្នកបម្រើរបស់ទ្រង់ ។ គោលការណ៍ និងគំនិតដែលបានដាក់ចេញនៅក្នុង « ក្រុមគ្រួសារ ៖ ការប្រកាសដល់ពិភពលោក » គឺជាឧទាហរណ៍ដ៏សំខាន់មួយ ។ ឧទាហរណ៍មួយទៀតគឺជាការណែនាំដែលមាននៅក្នុងកូនសៀវភៅ ដើម្បីកម្លាំងនៃយុវជន ។ …
ប្រភពផ្សេងៗគ្នាជាច្រើនដែលមនុស្សស្វែងរកអត្ថន័យ សុភមង្គល និងជំនួយនោះហាក់ដូចជាគ្មានទីបញ្ចប់ឡើយ ។ ភាគច្រើនគឺ « មើលហួសទីដៅ » ។” … នៅក្នុងការមើលទៅព្រះ យើងអាចរកឃើញសេចក្ដីសុខសាន្តក្នុងការលំបាក ហើយជំនឿរបស់យើងអាចបន្តរីកចម្រើនឡើង ទោះក្នុងពេលមានការសង្ស័យ និងការប្រឈមខាងវិញ្ញាណក៏ដោយ ។ យើងអាចទទួលបានកម្លាំងនៅចំពោះមុខការប្រឆាំង និងភាពឯកោ ។ យើងអាចសម្រុះសម្រួលឧត្តមគតិជាមួយនឹងការពិតបច្ចុប្បន្ន ។ …
ការមើលទៅព្រះមានន័យថា ទ្រង់មិនមែនគ្រាន់តែជាអាទិភាពមួយរបស់យើងប៉ុណ្ណោះទេ ប៉ុន្តែផ្ទុយទៅវិញវាមានន័យថា ទ្រង់គឺជាអាទិភាពខ្ពស់បំផុតមួយរបស់យើង ។