សម័យប្រជុំពេលរសៀលថ្ងៃសៅរ៍
ព្រះអម្ចាស់កំពុងពន្លឿនកិច្ចការរបស់ទ្រង់
សេចក្តីដកស្រង់
ស៊ីលី
ស.រ.អា.
មានភស្ដុតាងដ៏ច្បាស់លាស់ថា សេចក្ដីជំនឿលើព្រះយេស៊ូវគ្រីស្ទគឺកំពុងកើនឡើងនៅក្នុងជំនាន់របស់យើង ។ នៅក្នុងសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ មានការកើនឡើងដ៏អស្ចារ្យមួយនៅក្នុងការប្រែចិត្តជឿ និងការចូលរួមរបស់អ្នកប្រែចិត្តជឿ ។ …
… នៅពេលព្រះអម្ចាស់ពន្លឿនកិច្ចការរបស់ទ្រង់ យើងគួរតែស្រឡាញ់ ចិញ្ចឹមបីបាច់ និងបម្រើអស់អ្នកដែលទទួលយកដំណឹងល្អរបស់ទ្រង់ ។ …
ចំពោះអ្នកដែលថ្មី ឬទើបត្រឡប់មកកាន់សេចក្ដីជំនឿវិញបងប្អូនអាចមានបញ្ហាដែលប្រឈម ។ ចូរអត់ធ្មត់ជាមួយខ្លួនឯង ។ …
ការទទួលបានពិធីបរិសុទ្ធ និងសេចក្ដីសញ្ញា ព្រមទាំងការរស់នៅតាមបទបញ្ញត្តិគឺមានសារៈសំខាន់ណាស់ ។ សូមផ្ដោតលើសេចក្ដីសញ្ញាដែលចាំបាច់សម្រាប់ភាពតម្កើងឡើង ។ …
ការរៀនសូត្រអំពីគោលលទ្ធិដ៏បរិសុទ្ធរបស់ព្រះយេស៊ូវគ្រីស្ទគឺជាការតាំងចិត្តពេញមួយជីវិត ទាំងការយល់ដឹងអំពីគោលលទ្ធិ និងការរស់នៅក្នុងជីវិតដូចជាព្រះគ្រីស្ទ ។ សេចក្ដីសញ្ញាដ៏ចាំបាច់ផ្ដល់នូវរចនាសម្ព័ន្ធមួយដែលយើងពិពណ៌នាថាជាផ្លូវនៃសេចក្ដីសញ្ញា ។ …
ប្រសិនបើបងប្អូនដាក់គោលដៅទទួលសេចក្ដីសញ្ញានីមួយៗដោយស័ក្ដិសមដែលចាំបាច់សម្រាប់ភាពតម្កើងឡើង នោះបងប្អូននឹងស្ថិតនៅលើផ្លូវដែលដឹកនាំទៅរកនគរសេឡេស្ទាល ។ ព្រះវិហារបរិសុទ្ធ និងពិធីបរិសុទ្ធទាំងឡាយនៃព្រះវិហារបរិសុទ្ធគួរតែជាការផ្ដោតយកចិត្តទុកដាក់របស់យើង ។ …
យើងគ្រប់រូបមានអារម្មណ៍ថាមិនគ្រប់គ្រាន់ នៅពេលយើងព្យាយាមប្រែក្លាយដូចជាព្រះយេស៊ូវគ្រីស្ទ ។ ដង្វាយធួនរបស់ទ្រង់អនុញ្ញាតឲ្យយើងប្រែចិត្តប្រចាំថ្ងៃ នៅពេលធ្វើខុស ។ …
ការធ្វើតាមព្រះអង្គសង្គ្រោះ ព្រមទាំងគោលលទ្ធិ និងការបង្រៀនរបស់ទ្រង់មិនដែលមានភាពងាយស្រួលឡើយនៅក្នុងពិភពលោកដែលមានភាពច្របូកច្របល់ជាបន្តបន្ទាប់មួយនេះ ។ … ប៉ុន្តែជាសំណាងល្អ ព្យាការីនានាផ្ដល់ការណែនាំដែលយើងត្រូវការជាពិសេសសម្រាប់ជំនាន់របស់យើង ។ …
… ខ្ញុំសូមថ្លែងជាសាក្សីដ៏ពិត និងច្បាស់លាស់ថា ព្រះយេស៊ូវគ្រីស្ទមានព្រះជន្មរស់នៅ ហើយដោយសារតែដង្វាយធួនរបស់ទ្រង់ យើងអាចរួមគ្នាតែមួយនឹងព្រះគ្រីស្ទ ។