សម័យប្រជុំល្ងាចថ្ងៃសៅរ៍
ព្រះយេស៊ូវគ្រីស្ទ និងការចាប់ផ្ដើមថ្មីរបស់បងប្អូន
សេចក្តីដកស្រង់
ជប៉ុន
មជ្ឈមណ្ឌលសន្និសីទ ស.រ.អា.
នីហ្សេរីយ៉ា
ព្រះយេស៊ូវ « បានយាងចុះឡើងធ្វើការល្អ » ។” … ឱនោះគឺជាសេចក្តីថ្លែងការណ៍មួយដែលមិនបង្ហាញអត្ថន័យដ៏អស្ចារ្យឲ្យបានពេញលេញឡើយ ! …
អ្វីគ្រប់យ៉ាងដែលទ្រង់បានមានបន្ទូល និងបានធ្វើបានប្រទាននូវការចាប់ផ្តើមថ្មីសម្រាប់អ្នកទាំងឡាយណាដែលទ្រង់បានប្រោស ប្រទានពរ បង្រៀន និងរំដោះពីបាប ។ ទ្រង់មិនបានដកព្រះកាយចេញពីពួកគេទេ ហើយទ្រង់ប្រាកដជាមិនដកព្រះកាយចេញពីបងប្អូនដែរ ។ …
… យើងទាំងអស់គ្នាអាចមានការចាប់ផ្ដើមថ្មីមួយតាមរយៈ និងដោយសារព្រះយេស៊ូវគ្រីស្ទ ។ រួមទាំងបងប្អូនផងដែរ ។ … នេះគឺជាសាសនាចក្រនៃការចាប់ផ្ដើមថ្មី ! …
ការប្រែចិត្តបើកទ្វារទៅកាន់ការចាប់ផ្ដើមថ្មី ការចាប់ផ្ដើមឡើងវិញ និងឱកាសទីពីររបស់យើង ។ …
… ថ្ងៃរះថ្មី ជំពូកថ្មី និងឱកាសថ្មី គឺជាស្នូលដ៏សាមញ្ញនៃដំណឹងល្អ !
… មារសត្រូវគឺជាបុគ្គលតែម្នាក់គត់ដែលទទួលប្រយោជន៍មកពីគំនិតដែលថា បងប្អូនបរាជ័យហើយ ។ បងប្អូនមិនបរាជ័យទេ ។
ហើយការចាប់ផ្ដើមថ្មីគឺលើសពីអំពើបាប និងកំហុសយើងទៅទៀត ។ … បងប្អូនពិតជាអាចផ្លាស់ប្ដូរអ្វីៗអំពីខ្លួនឯងដែលធ្វើឲ្យបងប្អូនចុះខ្សោយជាច្រើនមកហើយនោះបាន ។ …
ចំពោះអ្នកដែលតស៊ូនឹងអំពើបាប ឬការធ្លាក់ចុះដដែលៗម្តងហើយម្តងទៀត សូមបងប្អូនបន្តដំណើរទៅមុខ ។ … ហើយសូមបងប្អូនទុកចិត្តលើការចាប់ផ្ដើមថ្មីដែលមាននៅទីនោះសម្រាប់បងប្អូនគ្រប់ពេលដែលបងប្អូនងាកត្រឡប់មករកព្រះវរបិតារបស់បងប្អូនវិញដោយដួងចិត្ដស្មោះសរ ។ …
… សូមទទួលយកការចាប់ផ្តើមថ្មីរបស់បងប្អូន នៅថ្ងៃនេះ ពេលនេះ ។ ព្រះយេស៊ូវគ្រីស្ទគឺជាមេផ្ដើម ហើយជាមេសម្រេចនៃសេចក្តីជំនឿរបស់យើង ដោយបាននិពន្ធជំពូកថ្មីជាច្រើនរាប់មិនអស់ជាមួយយើង ។ ទ្រង់គឺជាដើម ហើយជាចុង—ជាទីបញ្ចប់នៃសេចក្តីអាម៉ាស់ និងការរងទុក្ខរបស់យើង ហើយការចាប់ផ្តើមជីវិតថ្មីនៅក្នុងទ្រង់ អនុញ្ញាតឲ្យយើងទទួលព្រះគុណរបស់ទ្រង់ បោះចោលអតីតកាល ហើយចាប់ផ្តើមម្តងទៀតជាមួយនឹងថ្ងៃរះថ្មីជាច្រើនដងតាមដែលយើងត្រូវការ ។