Pagdasig sa Usag Usa

Kita nagkinahanglan sa usag usa. Ang balaanong kalig-on naggikan sa panaghiusa, ug mao kana ang rason nga si Satanas nanlimbasog nga gub-on kita.

Sa kasubo, sa pipila nato, ang pagsimba mahimong lisod tungod sa naglahi-lahing mga rason. …

Ang katuyoan sa atong kasinatian sa simbahan mao ang paghatag og importante nga mga koneksyon ngadto sa Ginoo ug ngadto sa usag usa nga gikinahanglan kaayo alang sa atong espirituwal ug emosyonal nga kaayohan. …

Ang Kristohanong gugma ug pag-amuma mas taas ug mas balaan. …

… Kitang tanan kabahin sa pamilya sa Dios, ug Iyang gihigugma ang tanan Niyang mga anak. Siya nanghinaot nga ang tanan Niyang mga anak mahigugma Niya ug usab sa usag usa.

Ang kinabuhi sa Manluluwas usa ka ehemplo sa paghigugma, pagtigom, ug pagbayaw bisan niadtong gihukman sa katilingban nga mga sinalikway ug hugaw. Ang Iyang kinabuhi usa ka ehemplo mao ang gimando kanato nga atong sundon. …

Adunay mga panahon sa matag usa sa atong kinabuhi diin kita ang magkinahanglan og tabang ug pagdasig. Kita mopasalig karon nga kanunay nato kanang buhaton sa usag usa. …

Alang kaninyo nga tingali mibati nga naulahi na kaayo sa lumba sa kinabuhi, niining panaw sa mortalidad, palihog padayon. Ang Manluluwas lang ang hingpit nga makahukom kon asa kamo kinahanglan niining panahona, ug Siya maluluy-on ug makiangayon. …

Ipadayon ang inyong pagtutok sa Manluluwas. Siya mao ang inyong puthaw nga gunitanan. Ayaw pagbuhi Kaniya. Ako nagpamatuod nga Siya buhi ug kamo makasalig gayod Kaniya. Ako nagpamatuod usab nga Siya nagdasig ninyo nga mopadayon.