Bulahan ang mga Tigpasiugda sa Kalinaw

Jesus Coming Out of the Tomb [Si Jesus nga Migula gikan sa Lubnganan], ni Dan Burr

Atong ikonsiderar kining tulo ka dapit diin ang moderno nga Santos sa Ulahing mga Adlaw makamugna og kalinaw.

Ang una mao diha sa atong mga kasingkasing. …

… Ang ebanghelyo ni Jesukristo moamuma ug mohiusa niining balaanong mga kinaiya, lakip na sa pagpasiugda sa kalinaw, sulod sa atong mga kasingkasing, nagpanalangin nato niini nga kinabuhi ug sa sunod.

Ikaduha, mag-ugmad og pagpasiugda sa kalinaw diha sa atong mga panimalay—pinaagi sa paggamit sa sundanan sa Ginoo sa pag-impluwensya sa atong mga relasyon sa usag usa: sa pagdani, sa pagkamainantoson, sa kalumo, sa pagkamabination, sa kaaghop, ug sa tiunay nga paghigugma. …

… Aron mahimong mga tigpasiugda sa kalinaw, kita mopasaylo sa uban ug tinuoray nga molig-on sa uban imbes moguba nila.

Ikatulo, pagpasiugda og kalinaw diha sa atong mga komunidad. …

… Sa atong mga kongregasyon ug sa atong mga komunidad, hinaot nga atong pilion ang pagtan-aw sa usag usa isip mga anak sa Dios.

Sa kinatibuk-an, ako motanyag og imbitasyon. … Mahimo ba ninyong ikonsiderar ang usa ka semana, tulo ka lakang nga plano sa pagkahimong tigpasiugda sa kalinaw?

1. Usa ka panimalay nga walay panagbingkil: Kon ang panagbingkil magsugod, hunong og kadali ug mosugod pagsulti og mabination nga mga pulong ug mga buhat.

2. Digital nga pagpalig-on sa relasyon: Sa dili pa mo-post, mo-reply, o mokomentaryo sa online, pangutana, Makalig-on ba kini sa relasyon? Kon dili, hunong. Ayaw i-send. Hinuon, mopakigbahin og kaayohan. Mosangyaw og kalinaw sa dapit nga aduna ang kasilag.

3. Moayo ug maghiusa pag-usab: Matag sakop sa pamilya mahimong mangita sa nagkaproblema nga relasyon aron mangayo og pasaylo, mangalagad, moayo, ug maghiusa pag-usab. …

Ang pagpasiugda sa kalinaw usa ka Kristohanon nga hiyas. …

Kita nagtuman sa atong balaanong tahas isip mga anak sa mahigugmaong Langitnong Amahan kon kita maningkamot nga mahimong mga tigpasiugda sa kalinaw.